EAEko hauteskundeak alarma egoeran egin ahal izatea baimendu du Espainiako Gobernuak
Espainiako Estatuko Buletin Ofiziala argitaratu da larunbat honetan, eta argi irakur daitezke nola formulatuta geratu diren, besteak bestea, EAJk alarma egoeraren luzapenari baiezkoa emateko jarritako hiru baldintzak.
Alarma egoera maiatzaren 24ko 00:00ak arte luzatzea onartu zen asteazkenean. Gaurko EBOak dio Gobernuak "behar diren neurriak" hartuko dituela "Erkidego Autonomikoetako Legebiltzarrek deitzen dituzten hauteskundeak egin ahal izateko, Correos zerbitzu publikoa (posta bidezko botoa bermatzeko ezinbestekoa), zerbitzu fede-emaileak eta Estatuak jarri behar dituen zerbitzu guztiak abian jarriz".
EAE eta Galiziari eragin diezaioke erabaki horrek. Koronabirusaren pandemia zela eta, bertan behera geratu ziren hauteskunde autonomikoak eta azken egunotan Iñigo Urkulluk hauteskundeak uztailean ospatu nahi dituela adierazi du, oposizioaren harridura eta haserrea eraginez.
Atzo, hain zuzen ere, Urkulluk Legebiltzarreko Diputazioa Iraunkorrean hitz egin zuen Jaurlaritzak koronabirusaren pandemiaren aurrean hartutakoa azken erabakiak azaltzeko, eta lehendakariak ziurtatu zuen Euskadin "prebentziorako baliabide nahikoak" badaudela hauteskundeak uztailean egiteko.
Oposizioak "hauteskundeengatik osasun krisiagatik baino kezkatuago" egotea leporatu zion Urkulluri eta pandemia "hauteskunde gakoan" kudeatzen ari dela gaitzetsi zioten.
"Kogobernantza"ren inguruan
Ministroen Kontseiluak onartutako azken testuak honakoa dio: "Gobernuak Erkidego Autonomo bakoitzarekin adostu ahal izango ditu pertsonen zirkulazio askerako mugen, kontentzio neurrien eta horniduren, garraioen, zerbitzuen eta ondasunen inguruko neurrien aldaketak, areagotzeak edo murrizketak, pandemiak Erkidego Autonomo bakoitzean duen garapenera hobeto moldatze aldera". "Akordioa izanez gero, Erkidego horren presidentzia duenak aplikatuko ditu neurri horiek, lurraldea horretan Estatuaren ohiko ordezkari gisa".
Hala, adostasunik ez dagoen kasuetan, Gobernuak jarraituko du azken hitza izaten, bera baita autoritate nagusia alarma egoeran.
Trebiñu 1 fasera
COVID-19ak sortutako alarma egoeraren luzapen testuak dio, bestalde, "enklabeak diren herriek, inguruan duten lurraldearen tratamendua" jasoko dutela, nahiz eta "beste Autonomia Erkidego baten zati izan". Hori da, hain zuzen ere, Trebiñuren kasua. Burgos da legez, baina Araba barruan dago. Beraz, astelehenean 1 fasera igaroko da, Burgos 0 fasean geratzen den bitartean.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.