Irakasleen itzulera mailakatua agindu du Eusko Jaurlaritzak
Eusko Jaurlaritzaren Hezkuntza Sailak irakasleak ikastetxeetara itzultzeko agindua eman du. Itzulera mailakatua izango da.
Irakaskuntzari Laguntzeko eta Ikertzeko Zerbitzuko eta Hezkuntza Ikuskaritzako Kidegoko langileak ostegun honetan bueltatuko dira.
Aurrez aurreko irakaskuntzara itzultzeko agindua duten ikasleen zikloetako eta mailetako irakasleak zein egunetan bueltatu beharko diren ez du zehazten aginduak, baina "aurreikusitako programaren arabera eta klaseak prestatzeko behar besteko denborarekin" izan beharko dela azpimarratzen du.
Gainerako langileak ekaineko lehen astean zehar bueltatuko dira, ikastetxe bakoitzak ezarritako irizpideen arabera.
Etxetik telematikoki lanean jarraituko dute 14 urtetik beherako seme-alabak, adinekoak eta laguntza behar duten pertsonak zaindu behar dituzten beharginek, bai eta koronabirusagatik arriskuan daudenek ere.
Zalantza ugari
Cristina Uriarteren Sailak maiatzaren 25erako ezarri zuen ikastetxeen irekiera, eta, ondorioz, suposatzen da egun horretan hasiko direla itzultzen irakasleak.
Alabaina, iragarpen horrek zalaparta handia sortu zuen hezkuntza-komunitatean eta sindikatuek aho batez ohartarazi zuten ez dagoela baldintza nahikorik langileen eta ikasleen segurtasuna eta osasuna bermatzeko.
Halaber, hartu beharreko neurriak negoziatzeko eta neurri horiek ezartzeko baliabideak jartzeko eskatu zioten Hezkuntza Sailari.
Testuinguru horretan, Eusko Jaurlaritzak zentro bakoitzaren esku utzi zuen aurrez aurreko klaseak noiz eta nola hasi erabakitzea.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.