Gutxienez zortzi pertsona hil dira Pakistanen izandako hegazkin istripu batean
Gutxienez zortzi pertsona hil dira ostiral honetan Pakistan International Airlines (Pia) konpainiako Airbus A-320 hegazkinak lurrera erori ostean. 99 bidaiari eta zortzi tripulatzaile zeuden barnean eta Karachi hegoaldeko bizitegi-gune batean erori da.
Iturri ofizialen arabera, hildakoen kopuruak gora egingo du.
"Orain arte zortzi gorpu berreskuratu dira gune honetan", azaldu du Sohail Akhtar Karachiko polizia superintendenteak.
Iturri berak azaldu duenez, erreskate taldeak hegazkina lurreratu baino pixka bat lehenago erori zen bizitegi-guneetan daude.
Hegazkinak su hartu du "lau edo bost" etxebizitzetan, eta, Akhtarren arabera, suhiltzaileek sua kontrolatzea lortu dute.
Hegazkina Pakistango hiriburu ekonomikoaren aireportutik oso gertu erori da arratsalde hasieran, eta Ramadanaren amaieraren jaiaren lehen egunean izan da.
"Karachiko aireportutik gertu erori zen. Handik minutu batera zegoenean, eta bizitoki-gune batean erori zen", adierazi du Abdul Sattar Pakistango Abiazio Zibileko Agintaritzako bozeramaileak.
Pakistango Armadaren (ISPR) komunikazio bulegoak ohar baten bidez jakinarazi du helikopteroak eta tropak bidali dituztela istripuaren gunera, erreskate operazioak aurrera eramateko.
Tokiko telebistek kea zuten irudiak erakutsi zituzten etxebizitza gune batetik ateratzen.
Imran Khan Pakistango lehen ministroak istripuagatiko atsekabea adierazi du Twitterren, eta ezbeharraren arrazoiak argitzeko ikerketa iragarri du.
"Penatuta Piako istripuagatik. Ikerketa bat jarriko da martxan berehala. Otoitzak eta doluminak hildakoen familientzat", idatzi du agintariak.
Asiako herrialdeak 2012an bizi izan zuen bere aire tragediarik larriena, 138 lagun hil baitziren Islamabadetik gertu hegazkin batek izandako istripuan.
2016ko abenduan, beste hegazkin istripu batean 48 pertsona hil ziren Chitral (iparraldea) eta Islamabad arteko ibilbidea egiten ari zela.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.