Alberto Sololuzeren alaba Zaldibarko zabortegian izan da
Nahia Sololuze, Alberto Sololuze otsailaren 6an Zaldibarko zabortegian izan zen luizian desagertu zen langileetako baten alaba, eta haren senarra zabortegian izan dira gaur goizean, Eusko Jaurlaritzak jakitera eman duenez.
Segurtasun Saileko Larrialdietarako eta Meteorologia zuzendaritzako pertsonalarekin eta obrako arduradunekin batera egin dute bisita. Luizia izan zen tokiaren gainaldea egonkortzeko egin dituzten azken lanak ikusi ahal izan dituzte eta obrako teknikariekin kontrastatu egindako egonkortze-lanen emaitzak.
Lur-jausiaren goiko aldean materialen deskarga handiak izan dira azken egunotan, eta beste hainbat finkapen ekintza batzuei esker, segurtasun handiagoz hurbiltzen ari dira lanak B1 bilaketa-eremuko zati garrantzitsuenera, Alberto eta Joaquinen gorpuak aurkitzeko aukera gehien dituen gunera, alegia.
Zabortegia egonkortzeko lanen irudi bat. Argazkia:Irekia
Albiste gehiago gizartea
Gizon bat atxilotu dute Alacanten emakume bat hiltzea leporatuta
41 urteko beste gizon bat ere atxilotu dute, ustezko hiltzaileari biktimaren gorpua aldamenetik kentzen lagundu omen ziolako. Dirudienez, urriaren hasieran gertatu zen hilketa matxista hori.
Erripagaña auzoko herritarrek udal zerbitzuak eskatu dituzte
Mila pertsona atera dira kalera protestan larunbat honetan, lau udalerri (Iruñea, Burlata, Uharte eta Egues) lotzen dituen auzo horretan gutxieneko udal zerbitzu publikoak eskatzeko.
Gizon bat atxilotu dute Bilbon, bost edukiontzi, auto bat, farol bat eta lonja bat erretzea egotzita
Udaltzaingoak hainbat suteren ustezko egilea atxilotu du, Amadeo Deprit kalean sute bat piztu ostean.
Bilboko estatuak eta eskulturak mugimenduan jarri dituzte, adimen artifiziala baliatuz
Egileak, Endika Martin Dreamily Views artistak, ikus-entzunezko eduki berritzaileak sortzen ditu komertzioentzat. Horren azken bideoa, baina, biral egin da, milioi erdi erreprodukzio baino gehiago lortu baititu bi egunetan.
Langile bat intoxikatu da Castejongo kiroldegian gas toxikoa arnastuta
Azido sulfurikoa eta kloroa nahastu ditu nahi gabe. Ospitalera eraman behar izan dute, eta bertan geratu da, ospitaleratuta.
Igande goizaldean aldatuko da ordua, azkenengoz?
Goizaldeko hiruretan izango da aldaketa, eta erlojua ordu biak arte atzeratu beharko da. Igandeak 60 minutu gehiago izango ditu.
LABek salatu du Hezkuntza Sailak ikastetxe publikoetan kamerak jartzea aurreikusten duela
Sindikatuak kritikatu du Hezkuntza Sailak "ikasleen intimitatea urratzen duten gailuak" eskuratu dituela, kamerak ikasgelen "sabaian" instalatu nahi dituztelako, "langileak kontrolatzeko".
Hondarribian izandako eraso matxista bat gaitzetsi dute
Hondarribiko Udalak eta Gipuzkoako Foru Aldundiak dei egin diete herritarrei larunbatean, 18:00etan, Martxoak 8 plazan egingo den elkarretaratzean parte hartzera.
Elizondoko azoka, ganadurik gabe egin den lehena dermatosi nodularraren ondorioz
Elizondoko azokak ezohiko irudia erakutsi du gaur. 500 abelburu baino gehiago bildu beharko lituzkeen eremua hutsik egon da dermatosi nodularrak eragindako debekuaren ondorioz.
Hauek dira Araban, Bizkaian eta Gipuzkoan dermatosi nodular kutsakorraren aurka indarrean dauden kautelazko neurriak
Abere-azokak eta -bilkurak bertan behera utzi dira espezie guztientzat, txakurren eta katuen kasuan izan ezik. Gainera, animalien mugimenduak kontrolatzeko neurriak aktibatu, eta ibilgailuak eta garraio-elementuak desinfektatu eta intsektuak akabatzeko neurriak hartuko dituzte.