Microsoft-ek Bilboko Ingenieritza Eskolako proiektu bat aukeratu du
Microsoft erraldoi teknologikoak 15.000 dolarreko beka eman berri dio offshore aire-sorgailuen errendimendua hobetzeko Bilboko Ingenieritza Eskolako ikasle batek aurkeztu duen proiektuari.
Laguntza Bill Gatesen enpresak ingurumena kontserbatzeko berrikuntza onenak bilatzeko duen AI for Earth (Adimen Artifiziala Lurrarentzat) ekimenaren bitartez eman dute.
Oraingo honetan, Lander Galera ikaslearen doktorego-tesiak euren oinarri diren eta itsasoaren baldintzak jasaten dituzten plataformen gorabeheren ondorioz itsasoko aire-sorgailu flotagarriek izan ditzaketen potentzia galerak neurtzeko modua aztertu du. Horiek turbinaren errendimenduan izan dezakete eragina eta, ondorioz, elektrizitatea sortzeko kostuan.
Maria (Monitoring floAting platfoRms in offshore wind through artificIAl intelligence) akronimoaren izena hartu duen proiektua Jesus Mari Blanco Ilzarbe Bilboko Ingeniaritza Eskolako irakasleak eta Gregorio Iglesias Irlandako University College Corkeko irakasleak zuzendu dute.
Izan ere, Blanco irakaslea izan zen proiektuaren hautagaitza Microsoft-en aurrean aurkeztu zuena, enpresa multinazionalak antolatu zuen workshop-a gainditu eta gero. Blanco irakasleak aurkeztu zuen proiektua Microsoften aurrean, enpresa multinazionalak Bilbon mugikortasun jasangarriarekin, itsas biologiarekin, zibersegurtasunarekin eta energia berriztagarriekin, besteak beste, lotutako ekimenak aztertzeko Bilbon antolatutako tailerrean.
Proiektuak jaso duen 15.000 dolarreko kredituari esker, Lander Galerak Microsoftek lainoan duen konputazio zerbitzu sofistikatua (Azure) erabili ahalko du, eta horrek asko murriztuko du offshore plataforma batean sistemari eragiten dioten aldagai guztiak (olatuen norabidea, periodoa eta altuera, eta haizearen benetako abiadura, horren aldagai eta aldakortasuna kontuan izanda) neurtzen egin behar zuten milakoa orduko simulazioaren iraupena.
Izan ere, Azureren ahalmen izugarriari esker, “plataforma horren sare neuronal artifiziala baliatu ahalko du datu kopuru izugarri batekin lan egiteko eta gure fluidoen dinamika konputazionalaren eredua baliatuko duen sare konputazionala optimizatzeko”.
Microsoftek emaitza onak ikusten baditu, laguntzak jarraipena izango du. Horrela, proiektua bigarren fasean sartu ahalko litzateke, garapen aplikatura zuzendutako finantzaketa lerro berri batekin.
Bill Gatesen konpainiak energia berriztagarriekin, bioaniztasunarekin, ur-baliabideen kudeaketarekin, nekazaritzarekin edo klima-aldaketarekin erlazionatutako proiektuak bilatzen ditu mundu osoan AI for Earth ekimenaren bitartez, horiek bultzatzeko, sustatzaileei Microsoftek garatu dituen adimen artifizialeko soluzio guztiak eta lainoko konputazioa eskainiz.
Albiste gehiago gizartea
TAO zerbitzua udan: Hauek dira aldaketa nagusiak Bilbon, Donostian, Gasteizen eta Iruñean
Bilbon bertan behera geldituko da zerbitzua larunbatetan eta jaiegunetan, eta abuztutik aurrera baita arratsaldetan ere. Gasteizen ez da aparkatzeagatik ordaindu beharko abuztuaren 4tik 31ra bitartean. Aitzitik, Donostian larunbat arratsaldeetara eta igande eta jaiegunetara zabalduko da eta Iruñean eguneko 24 orduetan ordaindu beharko da sanferminek irauten duten bitartean.
Ezingo da erre Iparraldeko parke eta hondartza publikoetan, igandetik aurrera
Eskola inguruak, autobus geltokiak eta kiroldegiak ere debeku horren barruan daude. Ez ditu barne hartzen tabernetako terrazak, ezta bapeagailu edo antzekoak ere.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.