Ostegunean kaleratuko dute epaia, La Manadako kideei Kordoban egotzitako abusuez
Kordobako zigor arloko 1 zenbakiko epaitegiko epaileak ostegunean iragarriko du La Manada Whatsappeko taldeko lau kideren aurkako epaia, Pozoblanco Kordobako udalerrian emakumezko gazte bati sexu abusuak egitea egotzita 2019ko azaroaren 18tik 21era epaitu eta gero. Gertakari hauek 2016ko sanferminetan egin zuten bortxaketaren aurrekoak dira, zeinarengatik lau kide horiek eta bosgarren batek 15 urteko kartzela zigorra jaso baitzuten.
Fiskaltzak zazpi urtetik seira jaitsi zuen zigor eskaera: emakumezkoari ustez eurek eginiko sexu abusuengatik hasieran hiru urteko zigorra eskatzen bazuen ere, azkenean bikoa eskatu du, baita launa urte gehiagokoa ere bideoa zabalduta intimitatearen aurkako delitua egotzita eta 720 euroko isuna auzipetuetako bati, lesio arinak eragiteagatik.
Ministerio Publikoak, gainera, kalte-ordain komun eta solidarioa ordaintzeko eskatu die akusatuei, erantzukizun zibil gisa: 4.500 sendaketagatik eta 6.000 gehiago eragindako kalte moralengatik.
Bestalde, akusazio partikularrak bi urte eta sei hileko kartzela zigorra eskatu du, baita bost urteko urruntze agindua eta urtebeteko askatasun zaindua ere sexu abusuen delitu jarraitua egiteagatik: gainera, lau urte eta hiru hileko zigorra ere eskatu du intimitatearen kontrako delituagatik. Halaber, 3.600 euro eskatzen ditu egindako lesioengatik eta 80.000 kalte moralarengatik.
Herri akusazioak, Clara Campoamor Elkarteak ordezkatuta, zigor berberak eskatu ditu, baina A.J.C. auzipetuaren aurka bost urteko zigorra eskatu du sexu erasoa leporatuta, sexu abusuengatik bi urte eta sei hilekoa eskatu ordez.
Albiste gehiago gizartea
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.