Nafarroako haur-eskolak ekainaren 22an irekiko dituzte berriz

Bizikidetza egonkorreko taldeak ezartzen dira, ikasleek eta hezitzaileak osatuak, eta taldeen arteko elkarrekintza mugatzen dute.

Bi ume eskolara bidean. Artxiboko irudia: EFE

EITB.EUS

2020/06/18 - 11:34

Azken eguneratzea

2020/06/18 - 11:34

0-3 zikloa ematen duten haur-eskola publikoak, Hezkuntza Sailak finantzatutako Nafarroako haur-eskolak, baimendutako ikastetxe pribatuak eta Gizarte Eskubideen Departamentuaren menpe dauden 0 eta 3 urte bitarteko ikastetxeak datorren astelehenean, ekainaren 22an, itzuliko dira irakaskuntza jarduera presentzialera.

Haur-eskoletan aurrez aurreko jarduerara itzultzea alarma-egoeraren amaieraren eta Nafarroako Foru Komunitatearen normaltasun berriaren ondorio zuzena da. Une horretatik aurrera, indarrean egoteari utziko diote martxoaren 14ko 463/2020 Errege Dekretuan hartutako neurriek. Neurri horien ondorioz, eten egin behar izan zen aurrez aurreko hezkuntza-jarduera oro, unibertsitate-irakaskuntza barne, baita beste ikastetxe publiko edo pribatu batzuetan emandako beste edozein hezkuntza- edo prestakuntza-jarduera ere.

Hori dela eta, 2019-2020 ikasturterako eskola egutegia amaitu ez den ikastetxeetan, datorren astelehenetik aurrera, hezkuntza-jarduera presentziala berreskuratuko da. Hala ere, eskolak Hezkuntza Sailak ezarritako eta Osasun Sailak gainbegiratutako higiene-neurriekin hasiko dira, eta 28/2007 Foru Dekretuan adin tarte bakoitzerako finkatutako gehienezko ikasle kopuruari buruzko argibideei jarraituz.

Ildo horretatik, haur-eskoletan gehienez ere 8 ikasle egongo dira urtebeteko unitateetan, 1 eta 2 urte bitarteko ikasle-unitateetan 12, eta 16 adingabe 2 eta 3 urte bitarteko haurren taldeetan.

Bizikidetza egonkorreko taldeak

Irakaskuntza- eta hezkuntza-lana egitean, antolaketa-neurri egokiak hartuko direla ziurtatu beharko da, jendetza pilatzea saihesteko eta gutxienez 1,5 metroko segurtasun-tarteari eutsiko zaiola bermatzeko. Segurtasun-distantzia hori mantendu ezin denean, kutsatze arriskuak prebenitzeko higiene-neurri egokiak hartuko dira.

Haur Hezkuntzako lehen zikloan, ikasleek eta hezitzaileak osatutako bizikidetza egonkorreko taldeak antolatuz gauzatuko dira neurri horiek. Talde horiek beren jarduera gela berean garatuko dute beti, eta taldeen arteko elkarrekintza mugatuko dute.

Bizikidetza egonkorreko talde horiek ikastetxeko beste talde batzuekiko elkarrekintza saihestu beharko dute, kontaktua ahalik eta gehien mugatuz. Hori dela eta, ez da beharrezkoa pertsonen arteko distantzia zorrotz mantentzea. Horri esker, gainera, kontaktuak azkar eta errazago arakatu ahal izango dira, kasuren bat gertatuz gero.

Hala ere, zenbait neurri gehigarri aurreikusten dira kontaktuak mugatzeko eta norberaren prebentzioa hobetzeko, baita zentroaren garbitasunaren eta aireztapenaren arloan ere.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Zure interesekoa izan daiteke

Guardia Civil explosión Obanos Europa Press

Hiru pertsona atxilotu dituzte, horietako bat larri zaurituta, Obanoseko etxebizitza batean izandako leherketa batean

Lehen hipotesien arabera, hiru atxilotuak leherketa eragin zuen osagairen bat manipulatzen ari ziren.

Espainiako Gobernuak sare sozialetan sartzea debekatuko die 16 urtetik beherakoei

Pedro Sanchezek iragarri du Espainiak sare sozialetako zuzendariak erantzule egingo dituela legez kanpoko eta gorrotozko edukiengatik.

Goiz gorabeheratsua Kataluniako Rodaliesen, zirkulazioa bi bider eten da eta

Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.

38 urteko gizon bat hil da Bergaran, auto batek harrapatuta

Ezbeharra 07:15ean gertatu da, Ibarra kalean.

18:00 - 20:00

Auto-ilarak Bilbon, hainbat ibilgailuk Zorrotza parean istripua izan ondoren

Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.

Albiste izango dira: iraungitako txertoak, San Blas eguna eta EEEa Tubos Reunidosen

Gaurkoan Orain-en albiste izango direnen laburpena, bi hitzetan.

Zaldi-probek beteko dute idi-proben lekua Abadiñoko San Blas egunean

Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.

vaca behia granja abeltzantza ganaderia baserria

Dermatosi nodular kutsakorraren aurkako neurriak eguneratu ditu Jaurlaritzak

Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.

Onddoekin egindako ontziak errealitate izan daitezke etorkizunean

Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.

Iraungitako dosiarekin txertatutako haurtxo baten amak salatu du "segurtasunik eza" eragin diola egoerak

Iraungitako txerto hexabalentearen dosi bat jaso zuen haurtxo baten amak esan du egoerak "segurtasunik eza" eragin diola, beti pentsatu izan baitu Osakidetzak dena egiten duela ondo. Horrez gain, adierazi du barkamena eskatu eta adingabeari txertoa berriro jartzeko hitzordua eman diotela.