Ikastetxeetako langileek telelanarekin jarraitzea eskatu dute sindikatuek
Ikastetxeetako beharginek telelanarekin jarraitzea eskatu diote ELA, LAB, Steilas, CCOO eta UGT sindikatuek Eusko Jaurlaritzako Hezkuntza Sailari. Bestalde, datorren ikasturteko plangintza negoziatzea berriro eskatu diote Sailari.
Hezkuntza Sailak maiatzaren 19an emandako agindua kritikatu dute sindikatuek agiri batean. "Datorren astetik aurrera irakasle, hezitzaile eta gainerako langileak ikastetxeetara itzuli beharko dira, baita aurrez aurreko eskolak emango ez dituzten mailetan ere", salatu dutenez.
Erabakia sindikatuekin partekatu eta adostu ez dutela erantsi dute. Sindikatuen esanetan, ikastetxeetara bidali dute "irizpide edo zuzentarau zehatzik ezarri gabe".
Sindikatuen hitzetan, "arduragabekeria eta inprobisazio erakustaldi berri bat da". "Zentzurik ez duen erabaki bat da, osasunerako arrisku erantsi bat delako eta arrazoi pedagogikorik ez duelako atzean", nabarmendu dute.
"Gainera, irizpide komunik gabe aurrera eramaten ari diren eredua da, eta zonaldearen arabera, irizpide ezberdinak eman ditu ikuskaritzak", salatu dutenez.
Horregatik, "irizpide bakarra" ezartzeko eskatu diete sindikatuek Ikuskaritzari zein Hezkuntza Sailari: "langileek telelanarekin jarraitzea, ikastetxera joateko beharrik gabe".
Azkenik, datorren ikasturteko segurtasun neurriak sindikatuekin adostea eskatu diote ELA, LAB, Steilas, CCOO eta UGTk Sailari, baita "ratioen murrizketa egoki bat, langile kopurua areagotzea ratio horiek estaltzeko, garbiketa frekuentzia areagotzea eta lanaldiak egokitzea" ere, besteak beste.
Zure interesekoa izan daiteke
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.