Haurreskoletara itzultzeko plan "adostu" bat eskatu dute sindikatuek
LAB, Steilas eta ELA sindikatuek Haurreskolak Partzuergoan itzultzeko plan "adostu" bat exijitu dute, haurrak "erdigunean" jarriko dituena, baita ratio jaitsiera bat ere bermatuko duena, eta, aldi berean, haurrak ikastetxeetara nola itzuli diseinatzeko orduan "planifikazio falta" izan dela salatu dute.
Sindikatuek "negoziazio, inprobisazio eta planifikazio falta" salatu dute astearte honetan, Eibarren, Haurreskolak Partzuergoaren egoitzaren aurrean egindako agerraldian.
Adierazi dutenez, Haurreskolak Partzuergoak irailera arte haur eskolak ez zituela irekiko iragarri zuen gutun baten bidez, eta astebetera, ekainaren 8an, "oraindik alarma egoeraren 3 fasean egonda, irekitzeko baimena eman zieten".
Sindikatuen aburuz, erabaki horrekin "interes ekonomikoak hezkuntza komunitateko kide gazteenen, hezitzaileen eta, oro har, gizartearen segurtasunaren gainetik kokatzen dira".
Eusko Jaurlaritzak, sindikatuek kritikatu dutenez, "0-3 zikloa hezkuntza sistematik kanpo utzi du berriro, eta interes ekonomikoak irizpide pedagogikoen eta haurren eta langileen ongizatearen gainetik jarri ditu, Haurreskolak Partzuergoko eskolak irekitzeko erabakia hartzeko orduan".
"Pandemiaren ondorioz hiru hilabetez ikastetxeetara joan gabe egon diren haurren beharrei ez erantzuteaz gain, ez dute euren osasuna eta segurtasuna lehenetsi", sindikatuen esanetan, eta, kritikatu dutenez, Hezkuntza Sailak "alde bakarrez" hartu du erabakia, "gizartearen iritzia kontuan hartu gabe".
"0-3 zikloarekiko erakutsitako mespretxuaren aurrean, Haurreskolak Partzuergoko kide diren langileei mobilizatzea besterik ez zaigu geratzen", adierazi dute sindikatuek.
LAB, Steilas eta ELA sindikatuek "haurren eskubideak erdigunean jartzeko eta Haurreskolak Partzuergoaren izaera pedagogikoa onartzeko" eskatu diote Jaurlaritzari.
Era berean, aurkeztuko dieten itzulera plana "adostea" exijitu dute, eta, euren ustez, "ikasturte amaiera honetarako prebentzio plan bat, haurrentzat egokitze aldi bat eta ratio jaitsiera bat" bermatu beharko lukete, besteak beste.
Modu berean, ikasgelako haur kopurua proportzionalki jaisten bada, "gutxienez bi hezitzaile modu iraunkorrean egotea, ordutegiak murriztea eta espazioen antolaketa diseinatzea" eskatu dute.
Datorren ikasturteari begira, hainbat prebentzio plan gauzatzeko eskatu dute, "egon daitezkeen egoeretara egokituta: normaltasuna, gaixotasunaren berragerpen posiblea eta konfinamendu egoerara itzultzea".
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.