Gasteizko tranbiaren ibilbidea Salburua auzora luzatzeko lanak hasi ditu ETSk
Euskal Trenbide Sareak gaur eman die hasiera Gasteizko tranbiaren ibilbidea Salburua auzora arte luzatzeko obrei. Topografo talde batek Juan Carlos I.a etorbide inguruan proiektuaren egiaztapen-lanak egin ditu, tranbiaren ibilbidea amaituko den tokian.
Bulego-eremuetako instalazioak egitea, Salburuako Bulebarraren inguruan pilaketa-lanak hastea eta beranduago egingo diren indusketa-lanetan kaltetuak izan litezkeen hiri-altzariak kentzen hastea izango dira eman beharreko hurrengo pausoak.
Zati berriak 2,5 kilometroko luzera du, eta bost geltoki berri sortuko ditu: Santa Luzia, Iliada, Nikosia, La Union eta Salburua. Tecsa Altuna y Uria ABEEari esleitutako obra zibilak 15,5 milioi euroko aurrekontua du, eta 30 hilabeteko egikaritze-epea.
Lehen fase batean, lanak eremuaren bi puntutan egingo dira: Juan Carlos I.a etorbidean eta Salburuako Bulebarrean, Nicosia kalearen parean. Bigarren fase batean, hainbat aldaketa egin beharko dira errepideko zirkulazioan, eta beharrezko denborarekin adieraziko dira zein izango diren aldaketa horiek. Amaierako fasean, bulebarrak, egun dituen hiru erreien ordez, bi izango ditu norabide bakoitzerako.
Ibilbidea
Ibilbide berriaren lotura Unibertsitaterako hedapena egin den puntu berean egongo da. Florida eta Jacinto kaleak gurutzatzen diren biribilgunean ibilbideak eskuinera egingo du, eta bertan kokatuko da lehenengo geltokia: Santa Luzia.
Vicente Alexandre bidegurutzeko biribilgunea pasa ostean, ibilbideak Florida kaletik jarraituko du ezkerrera hartuta, eta, behin Astronomos kalearen bidegurutzeko biribilgunea pasata, ibilbidea Iliada pasealekuan barneratuko da. Bertan kokatuko da bigarren geltokia: Iliada.
Tranbia, orduan, bulebarreko galtzadari atxikituko zaio, eta zuzengune horretan beste bi geltoki izango ditu: Nikosia eta La Unión.
Behin puntu hori pasata, tranbia La Union plazatik barrena igaroko da eta Aerodromo pasealekutik jarraituko du ibilbidea, oinezkoen eremu batean barrena. Azkenik, tranbiak Juan Carlos I.a etorbidean barrena jarraituko du, eta bertan, auzoaren erdialdean kokatuko da Salburua geltokia.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.