Ezkabako gotorlekuko ihesaldian alde egindako preso baten gorpua identifikatu dute
Nafarroako Memoriaren Institutuak, 2016an Nafarroako Gobernuak martxan jarritako DNA banku publikoak bildutako laginei esker, Leoncio de la Fuente Ramos identifikatu du. De la Fuente Ramos Ezkaban atxilo zegoen 1938ko maiatzaren 22an, gotorlekuko ihesaldia egin zenean, eta Larrasoañan (Esteribar) erail zuten.
Ezkabatik ihes egin ostean harrapatu eta hil zituzten lau presoren gorpuak hobitik atera eta gero identifikatu dute. Paulina Lizoainek (89 urte) Larrasoañan gertatu zena ikusi zuen umetan, eta horren testigantzari esker aurkitu eta atera dituzte hobitik gorpu horiek.
Lau gorpuen artean, Leoncio de la Fuente Ramosen gorpua identifikatu dute, haren alabak emandako DNA laginari esker. Fresno el Viejo (Valladolid) udalerrikoa zen, ezkonduta zegoen eta sei seme-alaba zituen.
Ofizioz teilagina zen, eta 36 urte zituen 1937ko abuztuaren 22an, Ezkabara iritsi zenean. De la Fuente 1938ko maiatzaren 22an, inoizko ihesaldi handiena egin zuten 795 presoetako bat zen.
Nahiz eta gotorlekutik ihes egitea lortu, ihes egin zuten presoetako 206 harrapatu eta berehala hil zituzten. Leoncio de la Fuente Ramos eta oraindik identifikatu gabe dauden beste hirurak harrapatu eta hil zituzten iheslari horietako batzuk ziren. Larrasoañatik gertu atzeman, erail eta herriko hilerritik gertu lurperatu zituzten.
Nafarroako Gobernuak aditzera eman duenez, NASERTIC enpresa publikoaren laborategi genetikoa egiten ari den lana zaila da, gorpuzkiak egoera txarrean baitaude. Gobernuaren hitzetan, baina, identifikatzea ezinezkoa litzateke Iberiar penintsulan zehar barreiatutako eraildakoen familiek emandako DNA laginik izango ez balituzte.
2016an sortu zenetik, eraildako 230 pertsonaren senideen laginak bildu ditu Nafarroako DNA bankuak.
Nafarroako Memoriaren Institututik elkarlanerako deia egin dute, bai hobiak aurkitzeko, bai ihes egindako presoen familiak bilatzeko, gorpuak identifikatze aldera.
Albiste gehiago gizartea
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Bakioko udalekuetako gurasoak: "Enpresarekin harremanetan jartzen saiatu gara baina inork ez digu erantzuten"
Udalekura iritsi eta berehala, haurrek deitu zieten gurasoei haien bila joan zitezela eskatzeko. Gurasoen salatzen dutenez, Veranoaventura udalekuak antolatzen dituen enpresarekin harremanetan jartzen saiatu dira, baina inork ez die azalpenik eman. Erakundeei iruzurra argitzeko laguntza eskatzen diete.
Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.