Galiziak Lugoko eskualde bat konfinatu du U12rako astebeteren faltan
A Mariñako (Lugo) covid-19 agerraldiari aurre egiteko, Galiziako Gobernuak kostaldeko sarbideak bost egunez ixtea erabaki du, Jesus Vazquez Almuiña Osasun kontseilariak eskualdeko alkateei telematikoki jakinarazi dienez. Agerraldiak 106 positibo pilatu ditu dagoeneko.
Alkateekin bildu ondoren, kontseilariak prentsaurrekoa eman du. Une honetan, 99 kasu aktibo direla azaldu du agintariak, dagoeneko batzuk sendatu direlako.
Vazquez Almuiñak zehaztu duenez, egoerari aurre egiteko neurria gauerdian sartuko da indarrean. 14 udalerritan "eskaera maila areagotuko" dute. Hala ere, barne mugikortasuna posible izango da. Galiziako Gobernuak arauen berri emango du.
Aurreneko kasua ekainaren 23an antzeman zuten Xoven. Orduz geroztik harreman guztiak aztertu dituzte, eta honezkero ehunka PCR proba egin dituzte.
Gonzalo Caballero PSdeGko idazkari nagusiaren hitzetan, agerraldia "eskuetatik joan zaio" Alberto Nuñez Feijoo Galiziako presidenteari.
"Datozen egunetan kopuruak gora egingo du modu kezkagarrian", adierazi du Caballerok goizean. Sozialistaren ahotan, Galiziako Gobernuak agerraldiari "berandu" erantzun dio.
Alfoz, Barreiros, Burela, Cervo, Foz, Lourenza, Mondoñedo, Ourol, Ribadeo, Trabada, O Valadouro, O Vicedo, Viveiro eta Xoveko udalek zonalde turistikoa osatzen dute. Eskualdeak 70.000 bizilagun baino gehiago ditu.
Neurriak
Udalerri barruan mugitzea posible izango da, baina kanpoan ez, lanera joateko ez baldin bada; taberna eta aisialdi zentroetako edukiera % 50era mugatuko dute. Era berean, irekitzeko eta ixteko ordutegiak zorrotz bete beharko dituzte.
Bileretan hamar pertsona biltzeko aukera izango da; eta oro har, toki itxietan, 60 pertsona, eta kalean, 150.
Egunero egoera aztertuko dute, eta neurriak arinduko dituzte posible baldin bada. Alfonso Rueda Galiziako Gobernuaren presidenteordeak Espainiako Gobernuak Galizian duen Ordezkaritzari jakinarazi dizkio neurriak dagoeneko.
Positiboek ezin izango dute botorik eman
Positibo eman duten pertsonek ezin izango dute botorik eman igandean, Osasun kontseilariak esan duenez. Koarentenan dauden harremanek, aldiz, boza eman ahal izango dute beharrezko segurtasun neurriak hartuta.
Zentzu horretan, positiboren batekin harremanetan egondako “pertsona osasuntsuak” direla gogorarazi du Almuiñak. Sintomak garatzen dituzten ikusteko jarraipena egiten diete. Tarte horretan bakartuta egon behar dira.
“Pertsona horiek botoa eman ahal dute. Positibo batekin harremanetan egondako batek, noski, boza eman dezake”, azaldu du kontseilariak. Botoa ematea “oinarrizko eskubide bat” dela gogorarazi du. “Hauteslekura maskara jantzita joan daiteke, eta etxera itzuli koarentenarekin jarraitzeko”, gaineratu du. “Positibo batek ezin du”, baieztatu du jarraian.
Norbaitek sintomarik badu, baina PCR probaren emaitzaren zain baldin badago, “positibo” bezala hartuko dutela zehaztu du, neurriak aplikatzeko orduan.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.