2 fasera itzuliko da Mendillorri auzoa, covid-19ko kasuen gorakada dela eta
Nafarroako Gobernuak 2 fasea ezartzea erabaki du Iruñeko Mendillorri auzoan, koronabirusaren agerraldi baten ondorioz kutsatu direnen kopuruak gora egin duelako. Guztira 122 kasu izan dira, azken orduetan sei positibo berri eman ostean.
Gainera, Nafarroako Gobernuak 17 eta 28 urte bitarteko gazte guztiei PCR probak egingo dizkie gaur arratsaldetik aurrera, izan ere, agerraldi horretan kaltetutakoen % 93 dira. 2.400 bat gazteri egingo dizkiete probak.
Santos Indurain Foru Gobernuko Osasun kontseilariak prentsaurrekoan adierazi duenez, "egoera epidemiologikoak eta une honetako errealitateak Nafarroan birusaren transmisioa ahalik eta gehien murrizteko neurri gehigarriak hartzea gomendatzen dute".
Hala, foru agindu bat sinatuko duela azaldu du, Iruñeko Udalarekin kontsultatuta, Mendillorri 2 fasera itzul dadin, edukiera % 50era murriztuz ostalaritza establezimenduetan, txikizkako merkataritzan eta gurtza lekuetan.
Covid-19ari aurre egiteko neurriak
Nafarroako Gobernuak premiazko neurrien seigarren sorta onartu du gaur goizean, covid-19aren pandemiari aurre egiten jarraitzeko. Nafarroako Jauregian egindako ezohiko gobernu-bileran, Foru Lege Dekretu bat onartu da, ezohiko prebentzio-neurriak jasotzen dituena, agerraldiak geldiarazteko eta osasun publikoa arriskuan jar dezaketen berriak ager ez daitezen.
Horien artean, ikuskizunetarako eta jolas-jardueretarako lokalen ordutegia murriztea onartu da, baita beste lokal batzuena ere, hala nola, elkarte gastronomikoena, peñena, joko-aretoena eta jolas-aretoena. Halaber, gaueko ordutegian (adibidez, "botiloi" edo antzekoak) bizikidetzako eta aisialdiko ekitaldiak debekatuta daude bide publikoan goizaldeko 02:00etatik 06:00etara bitartean. Ostalaritzaren eta jatetxeen esparruan, taldeak mahai edo mahai-talde bakoitzeko gehienez 10 pertsonara mugatzen dira, bizikideak izan ezik, eta mahaien arteko segurtasun-distantzia mantendu egiten da.
Gainera, bertan behera geratu da araudiak aurreikusten duen itxiera ordua luzatzeko aukera, eta ordutegi bereziak ere ezingo dira baimendu.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.