Gasteizko bi jatetxe, taberna bat eta diskoteka bat itxita, positiboak atzeman ostean
Gasteizko Udaltzaingoak eta Ertzaintzak janari lasterreko bi jatetxe, diskoteka bat eta taberna bat itxi dituzte behin-behinean, lokaleko langileen artean COVID-19 kasu positiboak atzeman ondoren. Dena dela, herritarrei gaitza atzemateko detekzio-proba masiboak egitea baztertu dute oraingoz.
Atzo jakinarazi zuten Alde Zaharreko Aiztogile kaleko taberna bat itxi zutela, bertako langileetako batek positibo eman ondoren. Astelehen honetan baieztatu dutenez, janari lasterreko bi jatetxe itxi dituzte, bata Armentiaganan eta bestea Arabako hiriburuko Gorbeia merkataritza-gunean, baita Koroatze auzoko taberna-diskoteka bat ere. Kasu guztietan, langile batek positibo eman du eta lokalak itxi dituzte desinfektatzeko.
Osasun Sailak zehaztu duenez, barran zerbitzatzen aritu den langile bat kutsatu dela baieztatzen denean, udalari lokala prebentzioz ixtea gomendatzen zaio, establezimendua desinfektatu arte.
Osasun adituek birusaren transmisio komunitarioa egon dela uste badute bakarrik egingo da baheketa masiboa, eta oraingoz ez dute egoera hori atzeman Gasteizen, iturri berberek adierazi dutenez.
Ildo horretatik, oraingoz ez dago aurreikusita ostalaritza-lokal horietara joan ziren bezero guztiei gaitza atzemateko detekzio-probak egitea, beste herri batzuetan egin zen bezala, hala nola Ordizian, Getarian, Tolosan, Eibarren eta Zarautzen; edo oraintsuago Bilboko Back&Stage diskotekan egon zirenei.
Osasun Sailak zabaldutako azken datuaren arabera, Araban 62 kasu gehiago atzeman zituzten larunbatean, horietatik 58 Gasteizen.
Bihar hasiko dira Andre Maria Zuriaren "ez jaiak" Gasteizen. Poliziaren presentzia areagotuko da jendetzarik gerta ez dadin, eta ostalari bakoitzak erabakiko du bere lokala ireki edo ez.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.