Goiak donostiarrei eskatu die "barneratzeko" zergatik ez dagoen Aste Nagusirik
Eneko Goia Donostiako alkateak dei egin die donostiarrei "denek barnera dezaten" zergatik ez den aurten Aste Nagusia ospatuko, eta "arduraz eta erantzukizunez" joka dezaten, "orain arte bezala".
Goiak prentsaurreko batean gogorarazi du, transmititu nahi duen mezua "arduratsua izatearena da, uste dut aspertzen ari garela hau esateaz, baina esan beharrekoa da. Aurten ez da tokatzen, ez dago festarik eta denok dakigu zergatia. Uda ezberdina izaten ari da, horrela egokitu zaigu, eta pasatuko da". Aldi berean, Tokiko Gobernu Batzarrak hartutako erabakien berri emateko aprobetxatu du prentsaurrekoa.
Bestalde, ez duela “oso ondo” ulertzen Donostiako Piraten kritika adierazi du. Piratek adierazi dutenez, ez da haiekin hitz egin COVID-19ren ondorioz jaia bertan behera uzteko erabakiak hartzeko.
Goiak adierazi duenez, ordea, "Donostia Kulturak harreman estua izan du egoera normalean festen sustatzaile izan ohi diren elkarte edo ekimenekin”. Gainera, "egungo murrizketen barruan zenbait gauza egin ahal izateko elkarlan ildo bat zabaldu" dela gogorarazi du.
"Ez dut polemika antzuetan sartu nahi, baina ezin dut adierazi gabe utzi batzuetan ikusten dudala jarrera jakin batzuetan bultzada politikoa dagoela, agerikoa baino gehiago dela uste baitut", azpimarratu du.
Gaineratu du, aldi berean, EH Bilduri erreferentzia eginez, "oso bitxia" dela beste alderdi batzuek gobernatutako udalerrietan Donostiako Udalak, "jaiekiko hartu dituen neurriak baino murrizketa gogorragoak ezarri direla ", eta harrigarria bada ere, inork ez duela ezer esaten ".
Zure interesekoa izan daiteke
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. EAEn ez dago horralako eremurik, bai, ordea, Nafarroan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.