Nafarroako Gobernuak "Radar Covid" aplikazioa deskargatzeko eskatu die herritarrei
Osasun Departamentuko kontseilari den Santos Indurainek eta Unibertsitate, Berrikuntza eta Eraldaketa Digitaleko kontseilari den Juan Cruz Cigudosak deia egin diete Nafarroako herritarrei, mugikorretan "Radar Covid" aplikazioa deskarga dezaten, pandemiaren zabalkundearen miaketa errazte aldera.
Datorren astelehenetik aurrera jarriko da indarrean, baina gaurtik hasita instalatzea komeni da, erabat funtzionala baita deskargatuta duten telefonoen artean esposizioak bluetooth bidez erregistratzeko.
Horrez gain, "Radar Covid" aplikazioak une oro bermatuko ditu anonimotasuna eta pribatutasuna, PCR positiboaren diagnostikoa jaso duen pertsonak bere borondatez eta modu anonimoan erregistratuko baitu SMS bidez emango zaion zenbakizko kodearekin.
Android eta iOS sistemekin erabil daiteke, eta ez du inolako identifikazio pertsonalik eskatzen; hau da, funtzionatu ahal izateko, erabiltzaileak bluetooth sistema aktibatuta izan behar du telefonoan. Nahiz eta Androiden egungo bertsioak kokapena aktibatzea ere eskatu, app-ak ez du hori erabiltzen, eta berezitasun hori hurrengo eguneratzeetan ebatziko da. Gainera, Twitterren @AppRadarCovid kontua sortu da, herritarren zalantzak argitu nahian.
Nola erabili aplikazioa PCR probaren emaitza positiboa baldin bada
Lehenik eta behin, bluetooth-a aktibatuta izan behar du erabiltzaileak, "Radar Covid" app-a esposizioak telefonoan erregistratzen joan dadin, anonimoki.
Diagnostikoa positiboa baldin bada, miaketako osasun-langileek erabiltzaileari PCR probaren emaitza jakinarazteko deitzean, aplikazioa instalatuta duen galdetuko diote. Instalatuta edukiz gero, SMS bidez 12 digituko kodea emango zaio, bertan sar dezan, eta, hori egitean, automatikoki eta modu anonimoan jakinaraziko zaie gailu horrekin 15 minututik gora eta 2 metro baino gutxiagoko tartean kontaktuan egon diren pertsonei, bluetooth erregistroaren bidez soilik identifikatu ondoren.
Nola erabili aplikazioa esposizioa altua baldin bada
Esposizio altuko alerta jasotzen duen edozein erabiltzaileri URL bat agertuko zaio laguntza jaso ahal izateko gomendioekin. Beste komunitate batzuk ez bezala, jarraipen hori arintze aldera, Nafarroan 3 metodo garatu dira Nafarroako Osasun Zerbitzuak-Osasunbideak (NOZ-O) artatu eta, hala badagokio, arrisku-kontaktu bezala zehazteko: Osasuneko Karpeta Pertsonalaren bidez, mugikorrera SMS bat bidalita, babestutako inprimakiaren eta ondorengo captcharen bitartez edota telefonoz. Metodo horiek bere borondatez aktibatuko ditu erabiltzaileak.
Hedapena sare sozialetan
Nafarroako Gobernuak app-a zabaltzeko egitasmo bat jarriko du martxan sare sozialetan ostiral honetan bertan, Facebook, Instagram eta Google sareetan publizitatea kontratatuta. Irailean zehar, Nafarroako online hedabide nagusien bidez ere iragarriko da.
Horrez gain, Gobernuak lankidetza eskatuko die udalei, unibertsitateei, komunikabideei eta herritarrei "Radar Covid" aplikazioa zabaltzeko sare sozialetan dituzten profilen bidez, tresnaren lankidetza-izaeraren arabera. Beraz, aplikazioa deskargatu eta erabiltzen duten pertsonen kopurua zenbat eta handiagoa izan, orduan eta prebentziorako balio handiagoa izango du pandemiaren aurkako borrokan.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.