Estatuan koronabirusaren lehen infekzioak Gasteizen izan omen ziren
COVID-19aren gaixotasuna sortu zuen SARS-CoV-2 koronabirusak Espainiako Estatuan izan zituen lehen infekzioak Gasteiztik sartu ziren, ziurrenik, otsailaren 11n, Santiagoko Unibertsitateko Idis laborategiko genomikako adituek ondorioztatu dutenez.
Hala adierazi du erakunde akademiko horrek ohar batean, koronabirusaren eraginari buruzko ikerketa bat egin ostean. Ikerketa horren arabera, SARS-CoV-2 koronabirusaren infekzio kasu ia guztiak bost familia genetikoetatik datoz Estatuan.
Ikerketari esker baieztatu dutenez, COVID-19aren pandemia eragin duen koronabirusaren bost anduik kutsatu dute Estatuan identifikatutako kasuen % 90.
Dirudienez, birusaren B3a leinua Gasteizen barrena sartu zen Estatuan, eta Euskadiko beste leku batzuetan zabaldu zen, "Espainian pandemiaren jatorria izateko aukera gehien dituen erkidegoan".
Antonio Salas Ellacuriaga eta Federico Martinon Torres ikertzaileen ikerketaren arabera, lehen "hedapen gunea" otsailaren 5etik 14ra izan zen, eta, ondoren, martxoaren 16tik 19ra izan zen bigarrena.
Espainiako koronabirusaren bigarren leinu garrantzitsua, A2a5, "Italian sortu ahal izan zen", aipatu laborategiko adituen arabera. Koronabirusaren familia hori ziurrenik martxoaren hasieran iritsi zen Espainiara, eta Madrilen zabaldu zen, ikertzaileek azaldu dutenez.
Familia horietako asko, B3a eta A2a4, esasterako, bai Espainian sortutakoak bai inportatutakoak, Ingalaterrara hedatu ziren, eta Hego Amerikako herrialdeetara.
Ikerketa Zoological Research aldizkari zientifikoan argitaratu dute, eta 41.362 genoma aztertu zituzten ondorio horietara iristeko; horietatik 1.245ek Espainiako lagina osatzen dute, eta SARS-CoV-2 birusaren aldagai genomikoei buruzko ikerketa global handiena da, Santiagoko Unibertsitatearen arabera.
Ikertzaileek "Espainiako transmisio dinamika ulertzea" zuten hizpide, eta bost familia nagusi daudela ikusi zuten, "genomen oinarrian gertatzen diren gorabehera guztien ia % 90".
Horrek esan nahi du A2a5 linea guztizkoaren % 38,4 dela; B3a, % 30,1; B9, % 8,7; A2a4, % 7,8; eta A2a10, % 2,8.
Gainera, B3a, B9 eta A2a5c azpifamiliak Espainian sortu zirela egiaztatu dute, eta A2a5, A2a4 eta A2a10 Europako beste herrialde batzuetatik inportatu zirela.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.