Eskola kirolari ekingo diote berriro Araban, oraingoz lehiaketarik gabe
Gaur, astelehena, berrekingo diote eskola kirolari Araban, entrenamenduak hasita. Ahal den heinean, umeen arteko kontaktu fisikoa mugatu beharko da, ezingo da ikuslerik izan eta ezingo dira aldagelak erabili. Lehiaketak, baina, ez dira momentuz hasiko.
"Egoera epidemiologikoak hobera egiten duen heinean, lehiaketei berriro ekitea planteatuko da", Arabako Foru Aldundiak jakinarazi duenez. Horrenbestez, ordura arte ezin izango da partidarik, txapelketarik, topaketarik edo antzekorik egin, ezta "lagunarteko" partidarik eta teknifikazio jarduerarik ere.
2020-2021eko Eskola Kirola gaurtik aurrera hasteko jarraibideak eman ditu Ana del Val Kultura eta Kirol diputatuak. Arabako kirol federazioek eta Diputazioak elkarlanean egin dute protokolo zehatza.
Diputazioak azaldu duenez, "diziplina bakoitzari egokitutako protokolo batekin hasiko da eskola kirola, praktikan talde burbuila egonkor bihurtuko diren entrenamenduekin".
"Bizi dugun salbuespenezko egoera dela eta jardueraren hasiera atzeratu dugu, zuhurtziagatik eta parte hartzen duten eragile guztiak hobeto egokitu daitezen, baina beti egin dugu lan eskola kirola egon dadin, ikasleentzako onura emozional, sozial eta motor ukaezinak dituelako", gaineratu du.
Zure interesekoa izan daiteke
Donostiako Arrazakeriaren aurkako Martxak erroldatzeko eskubidea aldarrikatuko du
29. edizioak Trintxerpe eta Donostia zeharkatuko ditu, "Erroldarik gabe ez naiz existitzen" lelopean.
% 77,8ra igo da Euskadi anitz batean bizi nahi duten herritarren kopurua
Ikuspegiren azken txostenaren arabera, herritarren % 24,2k onartu du azken urtean diskriminazio-egoeraren baten lekuko izan direla eta % 14,6k diskriminazio motaren bat jasan duela aitortu du, lanpostu bat edo alokairuko etxebizitza bat lortu nahi izan duenean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
CCOO sindikatuak ez du lekukorik eramango aurtengo Korrikan
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.