600 ikaslerentzako programazio campusa hartuko du Urduliz Dorreak 2021ean
Urduliz Dorrea 42 programazio campusaren egoitza izango da. 2021eko lehen seihilekoan irekiko ditu ateak, eta 600 ikaslerentzako lekua izango du. Telefonica Fundazioak sortu du honako egitasmoa, Bizkaiko Foru Aldundiaren babesarekin.
42 Urduliz campusak 2.400 metro koadro izango ditu, bost solairutan banatuta. Bertan, programatzaile edo langile digital gaituak prestatuko dituzte, "geroz eta digitalizatuagoa den gizarte honetako enpresen eskariak asetze aldera".
"42 eta enpresa munduaren arteko harremana oso gertukoa izan behar da", baieztatu du Carmen Morenes Telefonica Fundazioko zuzendari nagusiak. Bere esanetan, dagoeneko Madrilen martxan dagoen ekimen honek hasiera batean ezarritako helburua bete du, hots, enpresek bilatzen dituzten profilak sortzea.
Campus horretan parte hartu nahi duten ikasleek ez dute ezagutza teknikorik beharko, ezta titulaziorik ere. 18 urtetik gorakoei zuzenduta dago, baina "oso zabala" izango da, adin eta profil ezberdinetako jendea egongo baita.
"Dena den, campusera sartzeko merezimendua aitortu beharko zaie ikasleei", Ainara Basurko Bizkaiko Sustapen Ekonomikorako diputatuak esan duenez. Basurkok zehaztu du Telefonicarekin hitzartuko akordioak lau urteko iraupena izango duela eta bost milioi inbertitu dituztela.
Campusean parte hartu ahal izateko, bi fase bete beharko dira: ostegunetik aurrera Interneten eskuragarri egongo den galdetegia betetzea (izena emateko) eta 26 eguneko epean bete beharreko erronkak gainditzea (plazak nori eman erabakitzeko).
24 orduz egongo da zabalik 42 Urduliz, asteko zazpi egunetan, eta doako aurrez aurreko prestakuntza eskainiko du. Horretarako, besteak beste, proiektuak ardatz izango dituen eredu pedagogiko aitzindari baten alde egingo dute.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.