Bruselak tabernak eta kafeak hilabetez ixtea erabaki du
Murrizketa gehiago sartu dira indarrean Brusela eskualdean, Belgikan izandako koronabirus kasuen agerraldiaren epizentroan, duela astebete Belgikako gainerako lurraldeetan baino neurri gogorragoak ezarri zituzten arren. Gaurtik aurrera, tabernak, kafetegiak eta dantzalekuak itxita egongo dira hilabetez (jatetxeek irekita jarraituko dute) eta kirol ekitaldietan ez da ikuslerik egongo.
Gobernu federalak hiriburuan eta inguruetan neurriak indartzea erabaki du, azken asteotan kasuen kopuruak gora egin duelako. Azken 14 egunetan, hirian batez beste 502 kasu pilatu ditu 100.000 biztanleko, eta herrialde osoan 245,8 izan dira (% 77 egin du gora, aurreko asteko datuekin alderatuta). Horrela, Madril eta Paris artean kokatu da Brusela, Europan koronabirus kasu gehien izan dituzten hiriburuen podiumean.
Koronabirusaren aurka elkarrekin aritzeko gobernu federalek osatu duten taldearen bozeramaile Yves Van Laethem-ek prentsaurrekoan adierazi duenez, neurri berriek osasun diziplina ezarriko dute egoerak hobera egin arte; "apirilean edo maiatzean", bere aurreikuspenen arabera.
Etxean gonbidaturik izanez gero segurtasun-tartea errespetatzea, maskara erabiltzen ez denean gutun-azal batean gordetzea, ahapeka hitz egitea, gelak ondo aireztatzea eta plater jatekoak ez partekatzea izan dira adituaren gomendioak.
Urriaren 8an, bilera egin dute goi mailako hezkuntzan hartu beharreko neurriak erabakitzeko.
Estatu mailako neurri berriak
Herrialdeak bizi duen egoera epidemiologikoaren aurrean, Belgikako Gobernuak honako neurri hauek ezarri ditu urriaren 30era arte: hilean etxetik kanpo gehienez ere hiru pertsonarekin izan ahal izango da harreman estua; bilera pribatuak gehienez ere 4 pertsonakoak izango dira eta tabernak eta jatetxeak 23: 00etan itxi beharko dituzte. Gainera, "oso gomendagarria" da lana etxetik egitea.
Zure interesekoa izan daiteke
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" entzun behar izan zituzten gizonaren ahotik, eta epaiketan entzundakoaren aurka, ziurtartatu duenez, "gizona bera zen gerturatzen zitzaiena eta lekuz kanpoko iruzkinak egiten zizkiena". Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarri" eta "lotsagabe" bat zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, inpaktuaren jatorria egiaztatu ez duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.