Enrich eta Luna futbolariak epaituko dituzte gaur, bideo sexual bat zabaltzeagatik
Sergi Enrich Eibar taldeko futbolaria eta Antonio Luna horren taldekide ohi eta gaur egun Girona taldean ari dena epaituko dituzte gaur, asteazkena, Donostiako Zigor arloko Epaitegi batean, emakume batekin grabatu zuten bideo sexuala baimenik gabe grabatzea eta zabaltzea leporatuta.
Horiekin batera, Eddy Silvestre Eibarko jokalari ohia (gaur egun Albaceten dago) eseriko da akusatuen aulkian, beste bi auzipetuek grabatutako bideoa jaso ostean irudiak zabaltzea egotzita.
Fiskaltzak eta akusazio partikularrak bost urteko kartzela-zigorra eskatu dute Enrich eta Lunarentzat. Testuinguru horretan, Ministerio Publikoak bi urteko zigorra eskatu du Silvestrerentzat, eta biktimaren abokatuek hiru urtekoa.
EFE albiste-agentziak aipatutako auziko iturriek jakitera eman dutenez, inputatuei egozten zaizkien gertakariak intimitaterako eskubidearen aurkako delituak izan daitezke, biktimaren bizitza sexuala baimenik gabe grabatu eta irudiak bere borondatearen kontra zabaltzeagatik.
Horrela, akusazioek bi ustezko delitu bereizten dituzte kasu honetan: bata, irudiak biktimaren baimenik gabe grabatzea, eta bestea, bideoa zabaltzea (biral bihurtu zen). Ildo horretatik, Sergi Enrich eta Antonio Luna futbolariei bi delitu horiek egozten dizkiete, eta Silvestreri, berriz, bigarrena.
Espetxe-zigorra eskatzeaz gain, biktimari kalte-ordaina emateko eskatu dute Fiskaltzak eta akusazio partikularrak.
Bideo horretan agertzen den neskak ez grabatzeko eskatu zien futbolariei. Gainera, 2016ko urrian, irudi horiek bere borondatearen kontra zabaldu zituzten sare sozialetan. Horien berri izan ondoren jarri zuen biktimak futbolari horien kontrako salaketa.
Zure interesekoa izan daiteke
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.