Bularreko minbiziaren aurkako martxa birtualean parte hartzera deitu du Katxalinek
Katxalinek, Bularreko Minbiziagatik Eragindako Gipuzkoako Emakumeen Elkarteak, 25.000 kilometroko martxa solidarioa antolatu du gaixotasun horren ikerketarako diru-laguntzak jasotzeko asmoz. Iaz, 598 emakumeri diagnostikatu zioten bularreko minbizia Osakidetzak egindako baheketan.
Maite Valle elkarte horretako ordezkariak iragan ostiralean aurkeztu zuen aurtengo kanpaina. Agerraldi horretan, Maite Peña Gizarte Politiketako foru diputatua eta Mikel Sanchez Osasun Saileko ordezkaria ere izan ziren.
Urriaren 25era arte egongo da abian aipatu elkarteak antolatutako "marea arrosa birtuala", eta horren helburua izango da parte-hartzaile bakoitzak bost kilometroko ibilbidea egitea, guztira 25.000 kilometro egin arte.
Halaber, balkoiak eta leihoak kolore arrosarekin apaintzeko eskatu die gipuzkoar guztiei Katxalinek. Gainera, astelehen honetan urteroko argazkia egingo dute (aurten telematikoki), 18:00etan, https://www.youtube.com/channel/UC8WGvN5c9b3iVUm3OEGfnJg helbidearen bidez.
Ildo horretan, Maite Peñak elkartasuna adierazi dio Katxalini, "atsedenik gabe", bularreko minbizia pairatzen duten emakumeak agerian jartzeagatik eta haienganako sentsibilizazioa eta babesa erakusteagatik.
"Bizi ditugun garai korapilatsuotan, laguntza ematen jarraitzen du katxalinek", adierazi du Peñak. Horregatik, martxa solidarioan parte hartzera deitu ditu herritarrak, "minbiziaren aurkako borroka lasterketa luze bat delako, eta guztion babesa behar duelako".
Bestalde, Mikel Sanchezek jakinarazi du 1995etik gaurko egunera arte 2.742.191 emakume artatu, 2.193.076 mamografia egin eta 10.392 minbizi atzeman dituztela (gehienak hasierako faseetan) bularreko minbiziaren diagnostiko goiztiarrari esker.
Gaixo egon diren edo dauden emakumeen % 83,6k inbaditzailea ez den tratamendu arrunt bat jaso dute. Iaz, baheketak 598 tumore berri atzeman zituen.
Albiste gehiago gizartea
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.