Guraso bakarra den ama bati 24 asteko baimena ematea ebatzi du EAEko Auzitegiak
Euskal Autonomia Erkidegoko Auzitegi Nagusiak ebatzi duenez, langile batek guraso bakarreko familia osatzen duenean 24 asteko baimena hartzeko eskubidea dauka, haurraren jaiotzagatik eta zaintzagatik berez dagozkion 16 asteak eta beste gurasoari dagozkion zortzi asteak, hain zuzen ere.
2019ko ekainean, emakume batek haurra izan zuen, guraso bakarreko familia osatuz. 16 asteko amatasun baimena erabili ostean, beste zortzi asteak hartzea eskatu zion Gizarte Segurantzari, baina honek atzera bota zuen eskaria.
ELA sindikatuak auzitegira jo zuen eta EAEko Auzitegi Nagusiak langilearen aldeko epaia eman du orain, Gizarte Segurantzari zortzi asteko baimena eman diezaiola aginduz. Fiskaltzak helegitea jarri du ebazpenaren aurka.
ELAk azaldu duenez, epaimahaiak uste du baimen hori aitortu ezean, guraso bakarreko familietako umeek bi guraso dituzten haurrek baino babes gutxiago dutela, arreta eta zaintzaren ikuspuntutik; izan ere, guraso bakarreko familietan, haurrek ama edo aitaren zaintza 16 astez jasotzen duten bitartean, gainerako umeek denbora hori zortzi aste gehiagoz jasotzen dute.
Amatasun eta aitatasun baimenak helburua umea babestea dela kontutan hartuta interpretatu behar direla esan du epaimahaiak, eta zortzi asteko baimena ukatuz gero, guraso bakarreko familiak eta emakumeak diskriminatuak izango liratekeela ohartarazi du.
ELAren esanetan, "ebazpen honek genero ikuspegi nabarmena dauka, guraso bakarreko familia gehienak emakumeek osatzen dituztelako".
Zure interesekoa izan daiteke
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.