Pfizerren txertoaren ebaluazioa abenduan amaituko dute; Modernarena, urtarrilean
Medikamentuen Europako Agentziak iragarri du COVID-19ari aurre egiteko Pfizer eta Moderna enpresa-farmazeutikoen txertoak seguruak eta eraginkorrak direla egiaztatzeko prozesua abenduaren 29an eta urtarrilaren 12an amaituko dutela, hurrenez hurren.
Bi konpainiek atzo egin zuten txertoak merkaturatzeko eskaera ofiziala eta Medikamentuen Agentziak ebaluazioa "ahalik eta azkarren" egingo duela agindu du, eta zientzialariek Gabonetan ere lanean jarraituko dutela erantsi du.
Txertoa segurua, eraginkorra eta kalitatezkoa dela bermatzeko datuak aurkezten badira, Agentziak ezohiko bilera egingo du abenduaren 29an Pfizerren txertoaren azterketa amaitutzat emateko. Modernaren txertoa onartzeko azken batzarra, berriz, urtarrilaren 12an izango litzateke.
Edonola ere, hor ez litzateke amaituko txertoa merkaturatzeko prozesua. Medikamentuen Agentziak bere oniritzia eman ostean, Europako Batzordeak txertoak ekoizteko eta banatzeko baimena eman behar du eta horretarako "hainbat egun" iraun dezakeen prozedura bat gauzatu beharko du.
Europako Batzordeak agindu du bere eskuan dagoen guztia egingo duela baimen hori ahalik eta azkarren emateko, baina ohartarazi du epe hori asteetakoa izan daitekeela, analisiaren emaitzaren arabera.
Bi txertoek % 95 inguruko eraginkortasun-maila dute. Europako Batzordeak Pfizer eta BinTech konpainiek elkarlanean garatutako txertoaren 200 milioi dosi erosiko ditu, eta aurrerago beste 100 milioi eskatzeko aukera adostu du. Modernaren kasuan, 80 milioi dosi eskuratuko ditu, eta ondoren beste 80 milioi erosteko aukera hitzartu du.
Bestalde, Espainiako Gobernuak Janssen, Mordena eta CureVac enpresa-farmazeutikoek egindako txertoak erosteko Europako Batzordeak hartutako erabakia berretsi du. Hortaz, Espainiak 52.707.888 dosi jasoko ditu guztira.
Maria Jesus Montero Espainiako Gobernuko bozeramaileak adierazi du Espainian urtarriletik aurrera emango dituztela doan lehendabiziko dosiak. "Ziurtasun osoz esan dezakegu Espainia urtarrilean hasiko dela txertoa ematen eta doakoa izango dela", erantsi du.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.