Geminidak eta eguzki eklipse osoa izango dira datorren asteko protagonistak
Datorren astearen hasieran bi gertaera astronomiko izango dira protagonista: Geminidak eta eguzki eklipse osoa.
Geminiden izar euria urtero abenduaren 14 aldera gertatzen den meteoro-euria da (“izar iheskorrak” izenarekin ezagutzen dira). Aurten, ipar hemisferio osotik ikusi ahal izango da, abenduaren 4tik 17ra bitartean gutxi gorabehera.
Abenduaren 14an harrapatuko du aurten bere mailarik gorena, 02:00ak aldera (penintsulako ordutegia); ondorioz, ekitaldia ikusteko gaurik onena abenduaren 13tik 14ra bitartekoa izan beharko litzateke, Espainiako Institutu Geografiko Nazionalak (IGN) adierazi duenez.
Gainera, aurten ilargi berria izango da; ondorioz, gau osoan zehar zerua ilun egongo da eta meteoro-euria bere intentsitate osoarekin ikusi ahal izango da.
Izar iheskorrak ikusteko, komeni da leku ilunen bat (argi-kutsadurarik gabea) hautatzea, zerumugan trabarik ez duena, eta begiak zeruko puntu jakin batera begira izatea, gutxienez, minutu batzuetan.
Aurten, fenomenoa Teide (Tenerife) eta Roque de los Muchachos (La Palma) behatokietatik zuzenean emango dute sky-live.tv-n. Emankizun hori Energy Efficiency Laboratories (EELabs) proiektuarekin, Kanarietako Astrofisika Institutuarekin (IAC), Sodepal La Palmako Gobernuko enpresa publikoaren Antropologia Dibulgatzeko Programarekin eta La Palmako Gobernuaren Berrikuntza Zerbitzuarekin elkarlanean egingo da.
Eguzki eklipsea osoa
Astelehenean, abenduaren 14an, eguzki eklipse bat ere izango da, aurtengo bakarra, eta Txilen eta Argentinan ikusi ahalko da. Eklipse mota hau Lurra eta Ilargia lerrokatzen direnean gertatzen da, sateliteak eguzki argia erabat blokeatzen duenean.
Fenomenoa bi minutu eta erdi izango da ikusgai, lekuaren arabera.
14:32an hasiko da Markesa uharteetan (Frantzia) eta 17:54an amaituko da Ozeano Atlantikoan, Namibiako kostaldearen parean. 202 minutu iraungo du (hiru ordu eta erdi baino zertxobait gutxiago).
Ozeano Barea mendebaldetik ekialdera zeharkatuko du, Txilen Araucania eskualdetik eta Los Riosen iparraldetik sartuko da, Argentinako Neuquén eta Río Negro probintziak zeharkatuko ditu, eta, amaitzeko, Atlantikoa mendebaldetik ekialdera zeharkatuko du. Eklipse osoaren momenturik gorena 16:13an izango da Sierra Coloradaren (Río Negro) ipar-ekialdean, eta gehienez ere bi minutu eta 10 segundo iraungo du; momentu horretan, itzalak 90 kilometro inguruko zabalera izango du.
Eklipsea partzialki Ozeano Barean, Antartikan, Hego Amerikan eta Atlantikoan ikusi ahalko da. Kasu honetan, 13:34an hasiko da (Denbora Unibertsala) Ozeano Barean, eta 18:53an amaituko da, Ozeano Atlantikoan, Santa Helena (Erresuma Batua) uhartearen hegoaldean.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.