Abenduaren 27an hasiko da txertaketa Europar Batasunean, Bruselak iragarri duenez
Abenduaren 27an jarriko dute abian koronabirusaren aurkako txertaketa Europar Batasunean, baldin eta abenduaren 21ean Europako Sendagaien Agentziak (EMA) Pfizer-BioNTech txertoaren prototipoa onartu eta hurrengo egunetan Europako Batzordeak txertoaren merkaturatzea baimentzen badu.
Hala aurreratu du Jens Spahn Alemaniako Osasun ministroak prentsaurrekoan, eta gerora, halaxe berretsi du Ursula von der Leyen Europako Batzordeko presidenteak Twitterren: "Europaren unea da. Abenduaren 27an, 28an eta 29an txertaketa hasiko da Europar Batasunean. Gure herritarrak babestu behar ditugu lehenik".
Eric Mamer Von der Leyenen bozeramaileak zehaztu duenez, Bruselarentzat garrantzitsuena ez da txertaketa kanpaina estatu guztietan "egun berean hastea", baizik eta pandemiari aurre egiteko "ahalegin partekatu bat" egotea.
"Estatu kideekin harremanetan gaude. Europar Batasunaren tamaina eta bizi ditugun egoera ezberdinak ikusita, zentzuzkoagoa da kanpaina abiatzeko zenbait egun edukitzea. Hori bai, abenduaren 27an hasiko gara txertoak ematen", laburbildu du.
Seigarren txertoa, bidean
Halaber, covid-19aren aurkako beste txerto bat eskuratzeko kontratu bat egitekotan dagoela iragarri du Europako Batzordeak: Novavax konpainiarena, alegia. Bruselak 100 milioi dosi erosiko ditu, eta beste 100 milioi eskuratzeko aukera ere izango du, sinatzeke dagoen akordio baten arabera.
Horrenbestez, Europar Batasunak eskura izango lukeen seigarren txertoa izango litzateke Novavaxena. Aurrez, honakoekin hitzartu du akordioa Bruselak: Pfizer-BioNTech, Astrazeneca-Oxford, Johnson & Johnson, CureVac eta Moderna. Gaur gaurkoz, Pfizer-BioNTech eta Moderna konpainiek bakarrik eskatu diote Europako Sendagaien Agentziari euren prototipoak aztertzeko.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.