Udan atzerrira bidaiatzea errazteko hainbat aukera aztertzen ari da Europar Batasuna
Uda honetan atzerrira bidaiatzea errazteko hainbat aukera aztertzen ari da Europar Batasuna (EB), eta covid-19aren immunitate ziurtagiri bat aurkeztea edota birusa atzemateko test azkarrak egitea dira mahai gainean dauden aukeretako bi, EBko komisario Thierry Bretonek jakitera eman duenez.
Batasuneko hainbat herrialdetako turismo arduradunek neurriak eskatu dituzte atzerrira bidaiatzea baimendu dezaten, eta, horren harian, komisarioak azaldu du aipatu aukerak onak izan daitezkeela normaltasunez bidaiatzeko.
Komisarioaren arabera, mugitu edo bidaiatu nahi duten pertsonek bermeekin egiteko eskubidea izango dute. Ildo beretik, Bretonek adierazi du ziurtagiriren bat egin dezaketela jada txertoa jaso duten horientzat, horien immunitatea baieztatze aldera.
Fidagarriak eta ahalik eta zehatzenak diren test azkarrak egitea ere aztertzen ari dira, bidaiatzerakoan birusa ahalik eta arinen atzemateko.
Gainera, zientzialariekin lanean dihardutela adierazi du komisarioak, test horien inguruko froga oparoak ahalik eta lasterren jasotzeko.
Europar Batasuna pairatzen ari den txertoen faltaz ere aritu da Breton.
Komisarioaren aburuz, txertoen produkzioan dago arazoa, eta lanean ari diren lantegiak indartzea da irtenbidea, lantegi gehiago egin beharrean, urteak behar baitira horrelako lantegiak egiteko.
Halaber, Bretonen helburua da uda amaitu arte hala nahi duten EBko herritar guztiek txertoa jarri ahal izatea.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.