Bost urteko kartzela-zigorra bikotekide ohia bahitu eta maletategian eramateagatik
Bizkaiko Lurralde Auzitegiak bost urteko kartzela-zigorra ezarri dio gizon bati, emakume bat bahitu eta autoaren maletategian eramateagatik. Horrez gain, beste bederatzi hilabeteko kartzela-zigorra ezarri dio urruntze-agindua urratzeagatk eta gizartearentzako lanak egin beharko ditu tratu txarrak emateagatik.
Astearte honetan kaleratutako epaiaren arabera, gizona eta emakumea bikotekide ohiak dira eta bi seme-alaba dituzte elkarrekin. Epaitutako gertaerak jazo zirenean, 2020ko maiatzaren 14an, gizonak debekatuta zuen biktimarengana hurbiltzea.
Hala ere, urruntze-agindua urratuz, auzipetua eta biktima elkarrekin zeuden lehenaren amaren etxean.
Emakumea hirugarren batekin WhatsAppeko mezuak trukatzen ari zela, bien arteko eztabaida hasi zen. Kokaina dosi bat hartu ezean jo egingo ziola esanez mehatxatu zuen , eta hiltzeko mehatxua egin zion gero.
Ondoren, gizonak buruan kolpe gogor bat eman zion emakumeari, eta biktimak konortea galdu zuen.
Emakumea konorterik gabe zegoela baliatuta, erasotzaileak oinak eta eskuak lotu zizkion eta autoaren maletategian sartu zuen.
Gizonak gidatzen jarraitu zuen, harik eta hurrengo goizean Udaltzaingoaren patruila batek BI-3747 errepidean geldiarazi zuen arte. Emakumearen hankak maletategitik irteten ikusi zituzten.
Emakumeak, bere aldetik, uko egin zion erantzukizun zibil gisa kalte-ordaina eskatzeari.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.