Nafarroak Lanbide Heziketako 990 plaza berri izango ditu datorren ikasturtean
Hezkuntza Departamentuak 2021-2022 ikasturterako Lanbide Heziketako zikloen eskaintza aurkeztu du; 24 talde gehiago, 5.525 ikasle lehen mailan (990 gehiago) eta 139 titulazio izango ditu.
Eskaintza 990 plazatan handitu da, plaza horiek erdi mailako 12 ziklo berritan (10 aurrez aurrekoak eta bi online), goi mailako sei ziklo elebidunetan, goi mailako batean eskaintza modularrean, bost espezializazio ikastarotan eta LH Bereziko bi unitatetan (Berako Toki Ona BHIn eta Azkoiengo Ribera del Arga BHIn) banatuko dira.
Carlos Gimeno Hezkuntza kontseilariak adierazi duenez, eskaintza horrek "aurrekaririk ez duen hazkundea du ziklo kopuruan eta ziklo berrien txertaketan, baita familia profesionaletan eta formatu mota ezberdinetan ere (modularra, elebiduna eta graduondoko programak)".
Gimenoren arabera, "lurraldeka orekatutako eskaintza da, eta inklusioaren aldeko apustu handia egiten du, Erdi-Mailako Heziketa Zikloen hazkundearen alde egindako ahaleginaren bidez, batez ere Iruñetik kanpo".
Azpimarratu duenez, ikasturte honetan "apustu handia" egingo da eraldaketa digitalaren eta ingelesezko zikloen eskaintzaren alde, eta, lehen aldiz, LHko graduondokoak ezarriko dira espezializazio ikastaroen bidez, honako titulazioekin: gauzen Internet, fabrikazio gehigarria, zibersegurtasuna, big data edo kultibo zelularrak.
Gainera, eskaintza elebidun berriarekin eta lehendik dauden ziklo batzuen eraldaketarekin, 360 ikaslek baino gehiagok ikasketen parte bat ingelesez egin ahalko dute.
Kontseilariak gogorarazi du 2021-2022 ikasturtean zehar Hezkuntza Departamentuak, Hezkuntza eta Lanbide Heziketako Ministerioarekin lankidetzan, teknologia aplikatuko sei gela eta ekintzailetzako bederatzi ezarriko dituela Nafarroako LHko ikastetxeetan; 2024rako 22 eta 36 izatea espero dute.
2+3 Talentu Plana
Kontseilariak 2+3 Talentu Plana aipatu du. Plan horren bidez, lehen aldiz, Administrazio eta Finantzetako Goi-Mailako zikloko ikasleek Enpresen Administrazio eta Zuzendaritzako unibertsitate-gradua lortu ahal izango dute hiru urtean. Azaldu duenez, oro har, unibertsitateekin lanean ari dira unibertsitateko ikasketetan Lanbide Heziketako kredituen aintzatespena areagotzeko.
Albiste gehiago gizartea
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa kontrolpean hartu dute. Nolanahi ere, suhiltzaileek eta udaltzainek ingurua hesitu eta trafikoa moztu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.