Arbizu, Etxarri Aranatz, Lodosa eta Alesbes itxita ostegunetik aurrera
Arbizu, Etxarri Aranatz, Lodosa eta Alesbes herrietan covid-19aren hedatzeari eusteko ezohiko neurriak onartu ditu Gobernu foralak, herriotan kutsatze eta positibitate tasak asko igotzen ari direla ikusita. Udalekin batera hartutako erabakien artean herriak perimetralki ixtea jasotzen da.
Neurriak ostegunean jarriko dira indarrean, apirilaren 15ean, eta printzipioz bi astez iraungo dute, apirilaren 29a arte; baina luzatzeko, laburtzeko edo aldatzeko aukera dago, egoera epidemiologikoaren arabera, Foru Gobernuak jakinarazi duenez.
Arbizun (1.000 inguru biztanle), azken 14 egunetako intzidentzia 3.621era iritsi da, eta bikoiztu baino gehiago egin da bi astetan. Etxarri Aranatzen (2.500 biztanle), berriz, 1.710etik 2.158era igo da 100.000 biztanleko 14 eguneko intzidentzia azken bi asteetan. Lodosan (4.800 biztanle) intzidentzia metatua ere 2.000tik gorakoa da, eta duela bi aste 1.178koa zen. Azkenik, Alesbesen (2.900 biztanle) hiru aste daramate 1.000tik gorako intzidentziarekin.
Udalerri horietan ezarritako konfinamendu perimetralean salbuetsita daude lan egiteko joan-etorriak, osasun kontuekin lotutakoak, hezkuntzarekin zerikusia dutenak, zaintza lanak, etab.
Baheketak Etxarri Aranatzen eta Alesbesen
Bestalde, osasun agintariek koronabirusa atzemateko baheketak iragarri dituzte Etxarri Aranatzen eta Alesbesen.
Etxarri Aranatzen 15 eta 29 urte arteko eta 45 eta 64 urte arteko 820 pertsona deitu dituzte probak egitera, eta Alesbesen 15 eta 29 urte arteko 400 herritar daude jomugan. Oraindik ez dute jakinarazi zein izango den proba egiteko prozedura.
Azken 10 egunetan diagnosi probaren bat egin dutenek ez dute parte hartu beharko, azken hiru hilabeteetan positibo eman dutenek bezalaxe. Era berean, sintomak dituztenek edo isolatuta daudenek ez dute proba egitera joan behar.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.