EAEko 12.782 ikasle hasi dira Unibertsitatera Sartzeko Ebaluazio probak egiten
Euskal Autonomia Erkidegoko Batxilergoko eta Lanbide Heziketako 12.782 ikasle gaur hasiko dira Unibertsitatera Sartzeko Ebaluazioko (USE) probak egiten Euskal Herriko Unibertsitatean.
Aurtengo kopurua iazkoa baino pixka bat handiagoa da, 2020an 12.594 ikasle matrikulatu baitziren probak egiteko. Aurten, beraz, % 1,49 igo da matrikula kopurua.
Batxilergoko ikasle horietako 1.613k egingo dituzte probak Arabako campusean, 5.956k Bizkaikoan eta 4.346 Gipuzkoakoan. Lanbide Heziketako ziklo bat egin dutenen artean, 118k egingo dute Arabako campusean, 429k Bizkaikoan eta 272k Gipuzkoakoan.
Hizkuntzaren arabera, Batxilergoko ikasleen % 75k (8.925 ikasle) euskaraz egingo dute, eta % 25ek (2.990) gaztelaniaz. LHko ikasleei dagokienez, % 55ek egingo dute proba euskaraz, eta % 45ek gaztelaniaz.
Azkenik, Unibertsitatera Sartzeko Ebaluazioa egingo duten Batxilergoko ikasleen % 57 emakumezkoak eta % 43 gizonezkoak dira. LHko ikasleei dagokienez, guztien % 69 dira emakumezkoak eta % 31 dira gizonezkoak.
12.782 ikasle horiei nota igotzeko irakasgai batzuetara aurkeztuko diren aurreko kurtsoetako beste 626 ikasle gehitu behar zaizkie.
Desgaitasunen bat edota premia bereziak dituzten 411 ikasleek Unibertsitatera Sartzeko Ebaluazioko probetan egokitzapenak izango dituzte.
Ohikoa baino egoitza gehiago
Ohi denez, hiru egunetan egingo dute, asteartean hasi eta ostegunean bukatuko baitute. Egoitzen kopuruari dagokionez, Euskal Herriko Unibertsitateak eta Eusko Jaurlaritzak ohikoa den baino egoitza kopuru handiagoa prestatu dute aurten ere, azterketak osasun baldintza onenetan egin ditzaten.
Hori horrela, EHUren hiru campusetako ohiko azterketa lekuei hauek gehitu zaizkie: BEC, Bizkaian; FICOBA, Gipuzkoan; eta Iradier Arena, Araban. Guztira 38 epaimahai egongo dira egoitza horietan.
Halaber, iazko esperientzia ona kontuan hartuta, ordutegia berregin da, higiene, osasun eta antolakuntza neurriak betetzen direla bermatzeko, hala nola ikasleen itxaroteko eta atseden hartzeko tarteak hobetzeko.
USEko azterketak berregituratzea
Bestetik, covid-19aren pandemiak sortu duen ezohiko egoera dela eta, USEko gaien azterketak 2020an bezala berregituratzea adostu dute Euskal Herriko Unibertsitateak eta Hezkuntza Sailak.
Hori dela eta, bakoitzaren hautazkotasuna handitu dute, modu ordenatuan eta galdera bakoitzaren puntuazioaren arabera, azterketa bakoitzaren A eta B aukeretako galderak nahasteko aukera emanez. Ereduak, orientabideak eta ebaluazio eta zuzenketa irizpideak ikasturte hasieran ezarri ziren, eta probarako erabiltzen ohi direnak dira.
Hamar azterketa hiru egunetan
Parte-hartzaileek 08:30erako egon beharko dute azterketa lekuan, eta lehendabiziko proba 09:15ean hasiko da.
Gaur, goizez eta arratsaldez arituko dira.
Bihar eta etzi, ostera, goizez bakarrik egingo dituzte azterketak.
Albiste gehiago gizartea
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.