Bioestimulatzaileak erabiliko dituzte Bizkaian banda marroia geldiarazteko
Bizkaiko Foru Aldundiak tratamendu "aitzindaria" aplikatuko du Arratia-Nerbioi eta Durangaldea eskualdeetako konifero basoetako 4.000 hektareatan, banda marroiaren hedapena geldiarazteko. Substantzia naturalekin sortutako produktu bioestimulatzaile bat erabiliko dute, zuhaitzak klima baldintza kaskarretatik babesteko.
Foru erakundeak ohar batean jakinarazi duenez, botika baimenduta dago nekazaritza ekologikoan, eta ez du ingurumenean inongo ondorio kaltegarririk eragiten. Neikerrek testatu zuen produktua, 2019-2021erako plan pilotu baten baitan, banda marroiaren eta gorriaren kontrako irtenbide jasangarrien eta berritzaileen bila.
Aukeratutako produktua ez da fitosanitario bat, mantenugaiz eta substantzia naturalez egindako bioestimulatzailea baizik.
Eusko Jaurlaritzak eta hiru foru aldundiek konifero basoak berreskuratzeko elkarrekin sortutako estrategiaren baitan Neikerrek egindako probetan, emaitza "positiboak" izan dira, eta gama bereko produktuak ikertzen jarraituko du laborategiak.
Tratamendua ekaina amaieran edo uztaileko lehen hamabostaldian aplikatuko dute, baldintza meteorologiko onak badaude. Helikopteroz banatuko dute botika, bolumen baxuan (5 litro hektareako) eta basoekin distantzia egokia mantenduz, produkturik gal ez dadin eta metodoa eraginkorra izan dadin.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.