Gazte bat jipoitu eta larri zauritu dute Gasteizen
Gau gordina izan da bart Gasteizen. Batetik, gazte baten ZIUn amaitu du beste batek jipoitu ondoren, eta bestalde, gazte bat labankatu dute baina azken horrek jaso du jada senda-agiria. Hiru pertsona atxilotu dituzten bi eraso horiekin zerikusia dutelakoan.
Lehen kasuan, Zabalgune inguruan borroka bat gertatzen ari zenaren abisua jaso zuen Ertzaintzak 02:00ak aldera. Bertara iritsitakoan, gazte bat aurkitu zuten lurrean, konorterik gabe, buruan kolpe handi bat zuela. Berehala, anbulantzia batek ospitalera eraman zuen eta zaintza intentsiboetako unitatean geratu zen, zaurien larritasuna zela eta.
Bien bitartean, agenteek inguruan topatu zuten ustezko erasotzailea eta atxilotu egin zuten. 28 urteko gizon bat da atxilotua eta aurrekari asko ditu.
Ertzaintzak ikerketa ireki du erasoaren nondik norakoak argitzeko.
Bestalde, 20 urteko bi gazte atxilotu dituzte gauean izandako beste eraso batekin lotuta.
01:30 aldera, biktima eta lagun bat Gasteiz erdialdeko diskoteka batera sartzeko zain zirela, talde batek inguratu eta joka hasi zitzaizkien. Lagunak ihes egitea lortu eta Ertzaintzari abisu eman zion. Biktima, baina, kolpatu eta labankatu egin zuten iztartean. Erasoaren ondoren, ospitalean artatu eta senda-agiria jaso zuen.
Ertzaintzak talde erasotzaileko ustezko bi kide atxilotu zituen zezen plazaren inguruan eta ikerketa irekita daukat gainontzeko kideak aurkitzeko; tartean, labankada eman zion pertsona.
Albiste gehiago gizartea
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.