2021eko 'marrubi-superilargia': Noiz ikusi ahalko da eta zergatik du izen hori?
Datorren ostegunean, ekainak 24, marrubi-superilargia ikusi ahalko da. Egun horretan, ilargi betea izango da, eta astroa perigeoan egongo da, Lurraren inguruan duen orbitaren punturik hurbilenean. Hori dela eta, satelitea ohi baino % 10 handiago eta distiratsuago ikusiko da Lurretik. Izenak kontrakorik iradoki dezakeen arren, Ilargiak ez du kolorez aldatuko.
Eguzkia sartzearekin batera, 20:40tik aurrera, garbiago ikusi ahal izatea espero da; izan ere, ilargi betea izaten denean, ilunabarrarekin batera altxatzen da satelitea gure ostertzean.
Udako lehen ilargi betea, gainera, 2021eko azken superilargia izango da. 2021ean izango diren gainerako ilargi beteak ez dira izango satelitea perigeotik gertu dagoenean, eta, beraz, ez dira superilargiak izango.
Zergatik du marrubi-ilargi izena?
Ekaineko ilargi hau "marrubi-ilargia" izenarekin ezagutzen den arren (aurten superilargia izango dena), ez du bere kolorearekin zerikusirik, ilargiari ez zaio kolorea aldatuko. Izen hori fenomeno astronomikoei nekazaritza jarduerekin lotutako izenak ematen zizkieten antzinako kulturetatik dator. Kasu honetan, "marrubi-ilargia" izena Ameriketako jatorrizko tribuei zor diegu, ilargi bete hau basa-marrubia biltzeko garaiarekin lotzen baitzuten.
"Loreen ilargia" izenarekin ere ezagutzen da, udaberriko landare ohikoenak garai horretarako loratzen direlako.
Fenomeno ikusgarria izateaz gain, superilargiak ez du inolako eragin berezirik Lurrean. Grabitazio-efektua ohikoa baino apur bat handiagoa da, baina ez guk nabaritzeko adinakoa. Superilargia, beste edozeren gainetik, ilargia behatzeko aukera paregabea da, eguraldiak laguntzen badu behintzat.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.