Nafarroa eutanasia eskubidea martxan jartzeko prestatzen hasi da
"Herritarrentzako zein profesionalentzako berme maila handienarekin" eutanasia eskubidea martxan jartzeko parte-hartze prozesua bukatu eta foru araudia onartu du Nafarroako Gobernuak aste honetan.
Osasun kontseilariak proposatutako foru dekretua argitaratu du Nafarroako Aldizkari Ofizialak asteazken honetan. Aldez aurretik, Nafarroako Kontseiluak arauari babesa eman dio. Bermeen Batzordea eta kontzientzia eragozpen erregistroa sortzeko pausoak arautzen ditu foru dekretuak. Bitartean, foru agindu baten bidez Batzordeko kideak zehaztu dituzte. Hau ere, aste honetan bertan argitaratuko dute.
Carlos Artundo Osasun zuzendari nagusiak eta Genoveva Ochando Herritarrentzako Osasun eta Berme Zerbitzuko buruzagiak prentsaurrekoa eman dute asteazken honetan, Foru Erkidegoko araudiaren berri emateko.
Bermeen Batzorderako gutxieneko kopuru bat finkatzen du Espainiako legeak, baina Nafarroak kide gehiago izango ditu: lau mediku ( bi Lehen Arretakoak eta beste bi espezializatuak), lau legelari, bi erizain, psikologo bat eta gizarte-langile bat. Bioetikan edo gaixotasun sendaezinen ala larrien tratamenduan trebakuntza edo eskarmentua izango dute guztiek.
Bestalde, araudia indarrean dagoen lehen urtean zehar profesionalei trebakuntza etengabea -legeak aurreikusi bezala- eskaintzeko Ministerioarekin elkarlanean ari da Foru Gobernua.
Orain arte, saio informatibo bakarra egin dute, ekainaren 29an, hain zuzen ere. Lehen Arretako profesionalei eta espezialistei zuzendutakoa izan zen, eta Auzolan euskarrian dago jasota. Era berean, jardunbide egokien kodea eskuragarri jarri dute bertan.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.