Duela 2.000 urtekoak izan daitezkeen aztarna arkeologikoak topatu dituzte Tafallan, AHTaren lanetan
ADIF, Abiadura Handiko Nafarroako Korridorearen lanen esparruan, Tafallako Gariposa inguruan egiten ari den lan arkeologikoek Bigarren Burdin Arokoak izan daitezkeen aztarna arkeologikoak utzi dituzte agerian. Hala jakinarazi du Nafarroako Gobernuak, eta azaldu du Kulturako Zuzendaritza Nagusia-Vianako Printzea Erakundeak eremu horretan lan batzuk egiteko asmoa agertu duela, aurkikuntzen berri izan ostean.
Barruti bat osatuko lukeen egitura baten arrastoak direla uste dute, eta ez da baztertzen Corral de Gariposa inguruetan bigarren esparru bat edo egitura arkeologiko gehiago egotea.
Izan ere, aurkitutako elementuak Nafarroako Inbentario Arkeologikoan mugatutako eremu batean daude, eta inbentario horrek erromatar hiribildu baten presentziari buruzko informazioa biltzen du. Une honetan dute informazioaren arabera, kronologikoki Bigarren Burdin Arokoak lirateke arrastoak, Nafarroan K.a. 400-200 urteen artean gertatu zena.
Hala ere, ohartarazi dute informazioa osatzeko dagoela, ez baita esparru horren azalera osoa baieztatu, ez egituren tamaina ezta kronologia ere; orain arteko azterketa gainazalaren azpiko geruzan topatutakoan oinarritzen da, baina ez da estratigrafia-egiaztapenik egin oraindik.
Azterketa arkeologikoak
Nafarroako Gobernuak jakitera eman duenez, 5.000 metro karratu inguruko eremua hesituko dute laster, eta ondo ikusteko moduan seinaleztatuko dute pasatzea debekatuta dagoela eta aztarna arkeologikoak daudela, espoliazioa edo edozein motatako kontrolik gabeko kalteak saihesteko.
Azterketa arkeologikoak egingo diren eremua Nafarroako Abiadura Handiko Korridorearen Tafalla Hegoaldea-Tafalla zatiaren ibilbidean dago, eta haren plataforma-lanak martxan daude gaur egun.
Une honetan drainatze-lanak eta arkeologia-prospekzioak egiten ari dira, eta horiei esker egin da aurkikuntza.
Ezarritako plangintzaren arabera, ez da aurreikusten arkeologia-azterlanen xede izango den eremuan eraikuntza lanak epe laburrean egitea; beraz, egungo informazioarekin, programatutako epeak ez dira nabarmen aldatuko.
ADIFek Foru Gobernuari jakinarazi dionez, horrelako aurkikuntzak ohikoak dira tren-azpiegituren lanetan, eta berezko protokolo zorrotz baten arabera jarduten da, edozein aztarna arkeologiko babeste aldera, ondarearen arloan eskumena duten erakundeen jarraibideen arabera lan eginez beti.
Era berean, adierazi du ez duela eraginik izango aurreikusitako trazaduran, ez eta Foru Komunitatera AHTaren iritsieran ere.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.