Prostituzioan aritzera behartu nahi zuten emakume bat askatu dute Bilbon
Bilbon zerbitzari gisa lan egingo zuela sinestaraziz Errumanian engainatu zuten emakume bat askatu dute Bizkaiko hiriburuan; izan ere, prostituzioan aritzera behartu nahi zuten, Espainiako Poliziak ostiral honetan jakitera eman duenez. Halaber, bi pertsona atxilotu dituzte polizia-operazio horretan, legez kanpoko atxiloketa eta sexu-esplotaziorako pertsonen salerosketa egotzita.
Europol agentziak eta Errumaniako Barne Departamentuak eman zuten abisua. Hain zuzen ere, emakume bat sexu-esplotaziorako legez kanpo atxilotu izana salatu ostean abiatu zuten ikerketa.
Polizia-operazioak aurrera egin ahala, agenteek egiaztatu zuten bi emakume errumaniar zerikusia zutela kasuarekin. Hala, biktima Errumanian engainatu zuten, lan-eskaintza faltsu batekin. Biktima, Santanderrera iritsi zen hegazkin batean, atxilotutako emakume batekin batera, baina une hartan ez zekien zer gertatzen ari zen. Gauzak horrela, Bilbora eraman zuten, auto batean, eta Bizkaiko hiriburuko etxebizitza batean giltzapetu zuten.
Gainera, Espainiako Poliziak azaldu duenez, biktimak bere hegazkin-txartelaren prezioa ordaindu zuen, eta ostatua zein eguneroko gastuak ordaintzeko konpromisoa hartu zuen.
Emakumea askatu zutenean, hainbat egun gela batean giltzapetuta igaro zituela azaldu zien agenteei; izan ere, atxilotutako bi susmagarriek prostituzioan aritzera behartu nahi zuten.
Testuinguru horretan, biktima "oso asaldatuta eta minduta" topatu zuten, eta, gainera, ekonomikoki une zailak bizi zituen, aspaldidanik. Halaber, tokiko hizkuntza ez jakiteak "presio gehiago" sortzen zion, Espainiako Poliziak azaldu duenez.
Zure interesekoa izan daiteke
Mancisidor ararteko hautatu dute, EAJ, PSE-EE eta PPren babesarekin, eta EH Bilduren oposizioarekin
Bere aurrekoak, Manuel Lezertuak, ekainaren 19an formalizatu zuen karguari uko egin ziola, eta harrezkero Ines Ibañez de Maeztu, jarduneko arartekoa izan da.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.