Nafarroako Justiziak baimena eman du etxeratze-agindua astebetez luzatzeko
Nafarroako Auzitegi Nagusiak aintzat hartu du Foru Gobernuaren eskaera, eta beste astebetez (irailaren 2ra arte) baimena eman du intzidentzia altua duten herrietan etxeratze-agindua luzatzeko, neurri "egokia", "beharrezkoa" eta "proportzionatua" dela iritzita.
Zehazki, irailaren 2ra arte luzatzeko baimena eman du etxeratze-agindua 01:00etatik 06:00etara, asteburuetan, jaiegunetan eta herriko jaiak ospatzea legokiokeen egunetan (bezperak barne) covid-19aren intzidentzia arrisku handiko mailan dagoen udalerrietan.
54 herriri eragingo die neurriak; horietatik hamarretan festak ospatuko lirateke pandemiarik ez balego.
Autoaren arabera, gaueko mugikortasuna adostutako baldintzetan murriztea neurri "egokia", "beharrezkoa" eta "proportzionatua" da kutsatze-katea murrizteko.
Hala ere, datu epidemiologikoek eta txertoek izan duten bilakaera eta hobekuntza ikusita, ohartarazi du beharrezkoa izango dela "Administrazioak ad hoc egindako alegazio eta justifikazio xehatu eta espezifiko bat, proposatutako oinarrizko eskubideak mugatzen dituzten neurriei buruzkoa".
Horri dagokionez, justifikazio horrek "datu enpiriko epidemiologiko, sanitario eta estatistiko hutsak ez ezik, batez ere, juridikoak ere jaso beharko ditu, arrazoizko eta berariazko argudioak ezarriz neurri zehatz bakoitzerako eta eraginpeko populazio-taldeari dagokionez oinarrizko eskubideei kalte gutxiago egiten dieten bestelako aukerei buruz".
Ildo horretan, Auzitegiak ondorioztatzen duenez, une honetan, arrazoitutakoa kontuan hartuta, neurria luzatzea egoki den arren, "denborak aurrera egin ahala eta haztatu beharreko parametroak hobetu ahala, justifikazio sanitario eta juridikoa indartu" beharko da, sala horrek "justifikatuta ikus dezan oinarrizko eskubideen murrizketa, eskatutako neurri zehatzari dagokionez".
Ministerio Fiskalak ez dio uko egin luzapena baimentzeari, uste baitu "beharrezkoa" dela, dauden kutsatze-datuak ikusita eta, txertatutako eta txertatu gabeko pertsonen osasuna babesteko.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.