Sagarduik "erantzukizunez eta elkartasunez" jokatzen jarraitzeko deia egin du
Gotzone Sagardui Osasun sailburuak "erantzukizunez eta elkartasunez" jokatzeko jarraitzeko eskatu dio euskal gizarteari, "birusarekin bizitzen ikasi behar baitugu".
Hala mintzatu da Debagoieneko Ospitalearen handitzea aurkezteko emandako prentsaurrekoan, Iñigo Urkullu lehendakariak EAEko Osasun Larrialdiaren amaiera iragarri eta biharamunean.
Sailburuak gogorarazi du gaitza ez dela desagertu, "atzo normaltasun berrirako urratsa" eman zen arren. Horregatik, ahalegina eskatzen du, oraindik ere, maskara erabiltzeko, jendetza handiak saihesteko, eskuen higienea mantentzeko edo espazio itxiak aireztatzeko.
"Asko lortu dugu eta aurrera egiten jarraituko dugula bermatu behar dugu", ziurtatu du Gotzone Sagarduik.
Sailburuak zehaztu du Osasun Sailak eta Osakidetzak birusa garaiz detektatzeko proba diagnostikoak egiten jarraituko duela, baita txertoa jartzen ere, eta dei egin die txertoa hartzera oraindik egin ez dutenei.
Covid-19aren hirugarren dosiari dagokionez, sailburuak Osasun Publikoaren Batzordean hartutako erabakiak azaldu ditu: "adostu zena izan zen txertoa jarri beharreko xede-populazioa instituzionalizatu gabeko (egoitzetan ez daudenak) 70 urtetik gorako pertsonena izango zela; eta autonomia-erkidego bakoitzak erabakiko duela hasiera-data".
Hala, ziurtatu du Osakidetza "prest eta gaituta" dagoela txertoak jartzen hasteko, eta Txertoen Aholku Batzordearekin, Osasun Publikoko Zuzendaritzarekin eta Osakidetzako Asistentzia Sanitarioko Zuzendaritzarekin batera, datozen egunetan zehaztuko dela txertaketa hori noiz eta nola egin.
Hirugarren dosia
Bestalde, Sagarduik iragarri du hilaren 25 "inguruan" hasiko direla 70 urtetik gorakoei txertoaren hirugarren dosia jartzen.
Sailburuaren esanetan, Jaurlaritza "prest" dago hirugarren dosi hori eta aldi berean gripearen aurkako txertoa ere jartzeko.
Horren ildotik, aurtengo gripea iazkoa baino "gogorragoa" izan litekeela nabarmendu du. Datorren astean aurkeztuko dute protokolo berria.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.