Artolazabal: "Euskadi birgizarteratzea modu ezberdinean ari zen lantzen, orain hori bultzatu egingo dugu"
Beatriz Artolazabal Berdintasun, Justizia eta Gizarte Politiketako sailburuak nabarmendu duenez, "Euskadi ari zen birgizarteratzea modu ezberdinean lantzen", eta orain, Eusko Jaurlaritzak espetxeen kudeaketa bere gain hartu duela eta, "hori bultzatu eta hobetu egingo dugu presoek eskatzen dizkiguten aukera horiek emateko (lan gehiago, formazio gehiago...), hemendik ateratzen direnean akaso aurretik izan ez dituzten aukera horiek izan ditzaten".
Radio Euskadiren "Boulevard" saioari Bizkaiko espetxetik bertatik eskainitako elkarrizketa batean, Artolazabalek aitortu du eskuratu berri duten egitekoa "delikatua eta konplexua da", baina Sailak "ilusioz" hartu duela erantsi du.
Espetxeetako funtzionarioek orain arte egindako "lan profesional handia" goraipatu du sailburuak, eta iragarri du bi urtez luzatuko zaizkiela aurretik zituzten lan baldintzak. Are gehiago, antzinakotasuna EAEko gainerako funtzionarioenaren pare jarri zaiela jakinarazi du Artolazabalek. "Aldaketa ordenatu eta pausatua nahi genuen. Denbora hartu gure eredua ezartzeko", azaldu du.
Pablo Casadok egindako adierazpenei buruz galdetuta (Moncloara heltzekotan espetxeen eskumena Espainiako Gobernuaren esku jarriko duela berriro adierazi du aste honetan), "ikaragarrizko arduragabekeria" erakusten dutela erantzun du sailburuak. Itauna ere egin nahi izan dio PPko buruzagiari: "PP agintean egon zen urte horietan zergatik ez zioten Kataluniari kartzelen eskumena kendu?".
"Gobernura heldu nahi duen alderdi batek eta legeak errespetatzen dituela dioen batek halako iragarpenak egitea harrigarria iruditzen zait", esan du Artolazabalek, "batez ere, ez dakielako ezer ere egin nahi dugunaz; gauza batzuk ziurtzat hartzen ari dira, injustua eta larria iruditzen zait".
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.