Litekeena da 2022ko sanferminek egunen bat gehiago irautea, Iruñeko alkatearen arabera
Bi urteko etenaldiaren ondotik, datorren urtean sanferminak ospatuko direla uste du Enrique Maya Iruñeko alkateak; are gehiago, litekeena da egunen bat gehiago ere irautea, igandera arte, uztailaren 17ra arte. "Egundoko jaiak izan behar dira, denok nahi ditugun sanferminak itzul daitezen".
Horixe proposatu du Iruñeko alkateak Diario de Navarra egunkariko podcast batean. Ez da ideia propioa, lagun batena baizik, "baina jaiak luzatzea izan daiteke ideia bat", esan du Mayak. Zentzu horretan, 1960ko hamarkadara arte jaiek eta azokek hilaren 20ra arte irauten zutela gogorarazi du. "Jai luzeagoak plantea daitezke, zezenketa feria handiagoren batekin eta beste ekitaldiren batekin", esan du.
Jaiak modu berezian berreskuratzeko ideia horretan, alkateak lehen mailako artistak Iruñera ekartzea proposatu du, eta Nafarroako Ostalaritza eta Turismo Enpresarien Elkarteak (AEHN) apustu hori hainbatetan babestu dutela nabarmendu du, kalitatezko turismoa erakartzeko.
Halaber, gogorarazi duenez, 2022an 100 urte beteko dira zezen-plaza inauguratu zutela, eta, beraz, "zerbait esanguratsua egin beharko litzateke zezenketen egitarauan ere", gaineratu du.
Aurten, Udalak iradokizunen postontzia ireki du, herritarrek proposamenak egin ditzaten datorren sanferminei begira. Parte hartu nahi duen orok sanfermin22@pamplona.es helbidera idatz dezake. Azaroan, proposamenak bildu eta publiko egingo dira. "Hori bai, esentziak berdina izan behar du", esan du, eta esker ona adierazi dio Peñen Federazioari.
Alkateak aitortu duenez, sanferminetako zenbait alderdik kezka sortzen diote, kale edanak eta Manadarena bezalako astakeriak esaterako. "Hiri guztietan ohikoa da, baina desagerrarazi egin behar ditugu", adierazi du Mayak. Eta iruindar gehienek gustuko dituzten alderdiak azpimarratu ditu: dianak, kalejirak, erraldoiak eta prozesioa, besteak beste.
Mayak aitortu du kolpe gogorra izan zela 2020ko eta 2021eko sanferminak bertan behera geratzen zirela iragartzea, baina alkatea ilusio handiz agertu da eta datozen jaietarako lanean ari direla onartu du, ia ziur baitago 2022ko sanferminak ospatu egingo dituztela.
Albiste gehiago gizartea
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.