2022an sanferminak egitearen alde agertu da Iruñeko Udala
Iruñeko Udalak 2022an San Fermin jaiak ospatzearen aldeko apustua egin du, bi urtez bertan behera utzi ondoren, eta, aldi berean, jaien inguruan hausnarketa egitea proposatu du.
Hala jakinarazi dio udal gobernuak ostegun honetan Sanferminetako Mahai Orokorrari, eta bere apustua argudiatu du jai horiek hiriko esparru guztietan duten garrantzia azpimarratuz, bai eskaintzen dituzten aisialdi eta kultura proposamenengatik, bai pizten duten ilusioagatik eta duten eragin ekonomikoagatik.
2022ko sanferminak antolatzeko, unean uneko egoerara egokituko da Udala.
Enrique Maya Iruñeko alkateak ere bi urteko etenaldiari aurre egitearen alde egin du, baina, azaldu duenez, 2022ko sanferminen inguruko hausnarketa egiteko aukera dute orain, etorkizuna markatuko duen aro berri baten hasiera gisa.
Hausnarketa irekita egongo da pertsona eta erakundeen ekarpenetara, eta hainbat alderdi bilduko ditu: garatzeko modua, jardueren eskaintza, festetan parte hartzen duten pertsonen esperientzia edo hiritik kanpo proiektatzen den irudia.
Ildo horretan, Maria Garcia-Barberena Kultura eta Berdintasun zinegotziak gogorarazi du sanferminak kaleko jaiak direla, oso herrikoiak, eta hala izaten jarraituko dutela.
Horren hitzetan, Udalaren ekintzek jai-alderdiak modu bereizian lantzen lagun dezakete, baina beti izango dira "herritarren komeniantziarako eta haien beharrei erantzunez, festak jai-aisialdirako leku seguruagoa, iraunkorragoa eta eskaintza kultural zabalagoa eta askotarikoagoa eginez, jende guztiak lekua izan dezan".
Azaldu dutenez, "tradizioa, kultura, bizikidetza eta San Fermin jaiek dituzten balio positibo guztiak indartuko dituzten sanferminak" planteatuko dira etorkizunerako, "horiek ezkutatu egiten baititu gaur egungo mugarik gabeko alkohol eta parrandaren irudiak".
Zure interesekoa izan daiteke
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.