Abian da Elikagaien Bilketa Handia Araban, Bizkaian, Gipuzkoan eta Nafarroan
Hego Euskal Herriko elikagaien bankuek gaur ekin diote aurtengo "Elikagaien Bilketa Handia" kanpainari, eta hilaren 25era arte iraungo du kanpainak. Pandemiaren eraginez, aurtengoa ere ez da presentziala izango; donazioak elikagai-bonuen bidezkoak izango dira supermerkatuetan, edo ekarpen ekonomikoak egin daitezke "Elikagaien Bilketa Handia"ren webgunean.
Kanpainan bildutako diru guztia elikagai banku bakoitzak behar dituen elikagaiak eta produktuak erosteko erabiliko da.
Araba
Arabako Elikagaien Bankuak elikagai-bonuak eta ekarpen ekonomikoak lehenetsi ditu aurtengo kanpainarako. Saltoki guztietan lortutako bonuak ez zaizkio zuzenean bankuari eskudirutan itzuliko; beharrizanen arabera, urtean zehar produktu edo elikagaiak hornitzeko erabiliko dira.
Elikagai bankuaren webgunean ere egin ahalko dira diru-ekarpenak, baita banku-transferentzia (Kutxabank, Laboral edo La Caixa) edo Bizum (00025 kodearekin) bidez ere.
Bizkaia
Bizkaiko Elikagaien Bankuak ere dohaintza ez presentzialen bidezko kanpaina egingo du. Elikagai-bonuak eskuragarri daude jada supermerkatuetan, eta ekarpen ekonomikoak ere egin daitezke, bankuaren kontu korrontean zuzenean sartuta, zein Bizum (38037 kodearekin) eta PayPal bidez eginda.
Gipuzkoa
Gipuzkoako Elikagaien Bankuak ere azaroaren 25era arte egingo du Bilketa Handia. Elikagai-bonuak supermerkatuetan daude eskuragarri, eta banku-transferentzia (Kutxabank eta Laboral Kutxa) eta Bizum (03980 kodearekin) bidez ere lagun daiteke.
Nafarroa
Elikagai-bonuak supermerkatuetan daude eskuragarri, eta Nafarroako Elikagaien Bankuko webgunean ere egin ahal dira ekarpenak, transferentzia edo Bizum bidez, 00262 kodearekin.
Gainera, asteburuan zehar boluntarioak egongo dira supermerkatuetan eta saltoki handietan herritarrei nola lagundu ahal duten azaltzeko.
Gutxienez 600.000 euro lortzea da aurtengo kanpainaren helburua. Pandemiaren krisiagatik hilero 25.000 erabiltzaileri lagundu die elikagaien bankuak, eta beharrezkoa dute herritarren laguntza lanean jarraitu ahal izateko.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.