Garraio pribatua erdigunetik atera nahi du Donostiak 2023tik aurrera
Donostiako Udalak mugikortasun eskema berri bat osatu du, eta 2023tik aurrera hirigunetik kendu nahi du garraio pribatua, eta egoiliarrentzat eta baimenduentzat bakarrik utzi.
Eneko Goia alkateak eta Pilar Arana Mugikortasun zinegotziak prentsaurrekoa eman dute mugikortasun eredu berria azaltzeko. "Oinezkoen, txirrindularien eta garraio publikoaren mugikortasuna hobetzea" omen da egitasmo berriaren helburua.
Berritasun nagusiak hiri erdiguneari eta Parte Zaharrari eragiten dio bereziki, Boulevardetik Araba Parkera, eta egoiliarrak eta baimendutako ibilgailuak soilik sartu ahalko dira.
Gainerako trafiko pribatuak ibilbide perimetrala egin beharko du, "txandakako aparkalekuetara sartu ahal izateko", baina ezingo du barruko kaleetan sartu.
Udalak kamerak jarriko ditu ibilgailuen joan-etorriak kontrolatzeko eta ez dadin sartu baimenik ez duen auto edo bestelakorik egoiliarrentzat edo baimenduentzat mugatutako eremuan.
Askatasunaren Hiribidean ziurrenik bidegorria jarriko dute, eta garraio publikoaren bide nagusia izango da, Boulevardeko trafikoa arintze aldera, "herritarrek paseatzeko etorbide handia" izan dadin.
Gainera, Goiak adierazi du Udalarentzat ez dela nahikoa erdigunea ixtea, eta eredu hori beste auzoetara zabaltzeko asmoa duela, Grosera, adibidez.
"Mugikortasun eredu berri bat nahi dugu Donostiarentzat, kutsadura murrizteko eta klima aldaketaren aurka borroka egiteko, donostiarren bizi kalitatea hobetzeko. Hiri bat pertsonentzat, osasungarriagoa, inklusiboagoa, bizigarriagoa, biziagoa, eraginkorragoa eta ederragoa", azaldu du alkateak.
Bestalde, Udalak azaldu du Donostialdeko Metroaren lur azpiko zatia izango dela garraio publikoaren elementu "nagusia", hiriko edozein lekutik edozein tokira gehienez ordu erdian iristeko aukera emango duelako, gainerako garraiobideekin batera.
Zure interesekoa izan daiteke
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea beste 29 pertsonari ere jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela nabarmendu du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi nodular kutsakorraren aurkako neurriak eguneratu ditu Jaurlaritzak
Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.