Izurriak haurrengan duen "inpaktu handia" tarteko, kontziliazio laguntzak berreskuratzea eskatu du EH Bilduk
EH Bildu talde parlamentarioak eskaera egin dio Eusko Jaurlaritzari, pandemiak haurrengan duen "inpaktu handia" aintzat hartuta. Hala, iaz, alarma egoera indarrean zegoenean, kontziliaziorako izan ziren dirulaguntzak (lanaldia murrizteko, eszedentzia hartzeko edota pertsona bat kontratatzeko laguntzak) berreskuratzea galdegin dio.
Nerea Kortajarena koalizioko legebiltzarkideak Gasteizko ganberan eskainitako prentsaurreko batean familia askoren egungo egoera azaldu du: "Ume asko etxean konfinaturik geratu behar izaten ari dira, eskolara joan gabe, eta hori kontziliazio arazo handiak sortzen ari da, guraso askok lanera joan behar dutelako eta ez dutelako seme-alabak non utzi. Kontziliazioa amesgaizto bilakatu da milaka etxetan".
Laguntzak berreskuratzeaz gain, horiek ordaintzeko prozedura azkartzea ere eskatu du koalizio abertzaleak. "Halaber, garrantzitsua da dirulaguntza horien ordainketa modua aldatzea eta izapidea eta betekizunak erraztea, behin eskaera onartuta, laguntzaren ordainketa aurreratzeko. Laguntza ez dakit zenbat hilabete igaro ostean ordaintzen bada, ez da iritsiko egoera zaurgarrian dauden familiengana. Hilabetea ozta-ozta amaitzen duen guraso batek ezin du ez lanaldia murriztu, ez eszedentzia hartu seme-alaba zaintzeko, laguntza berehalakoan kobratzen ez badu. Ordainketa modua aldatu ezean, familia horiek laguntzetatik kanpo geratuko lirateke, eta hori ez da bidezkoa", azaldu du Kortajarenak.
Kortajarenaren esanetan, EH Bilduk "behin eta berriz" eskatu dituela kontziliazioa errazteko laguntzak baina deitoratu du "Gobernuak ez diola arazo honi merezi duen arreta ematen".
Gogorarazi duenez, 6-12 urteko haurren artean 2.547 kasukoa da intzidentzia, eta une honetan, 145 ikastetxeetako 277 ikasgela itxita daude. Legebiltzarkidearen ustez, Gabonetako oporraldiarekin kontziliazio arazoak larriagotuko dira: "Umeen zaintzan ohikoak diren errekurtsoak (aitona-amonak, aisialdiko aktibitateak…) aurten ezingo dituzte baliatu gurasoek, umeak oraindik txertatu gabe daudelako. Egoera honetan ez litzateke batere egokia izango aitona-amonekin geratzea, eta Gabonetako ohiko jarduerak oso mugatuta egongo dira.
Hori horrela, EH Bilduk proposamena helaraziko dio formalki Beatriz Artolazabal Gizarte Politiketako sailburuari, ekimen parlamentarioa aurkeztuz gero, eztabaida otsailera arte atzeratuko litzatekeelako (Gabonetan ez dago jardunik Legebiltzarrean). Koalizioaren ustez, laguntzak "premiazkoak" dira; "Gobernua ezin da geldirik egon, soluzioak eskaini behar dizkie", erantsi du.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.