Euskadik marka berria hautsi du, 4.700 covid-19 kasu baino gehiago izan baitira egun batean
Euskadik marka guztiak hautsi ditu, covid-19aren 4.744 positibo berri izan baititu azken orduetan, bezperan atzemandakoak baino 1.156 kasu gehiago, % 32ko igoera egun bakarrean, Eusko Jaurlaritzako Osasun Sailak pandemiari buruz emandako azken buletinaren arabera.
Euskal Autonomia Erkidegoan hilabete pasatxoan hamar aldiz biderkatu da positibo berrien kopurua; izan ere, azaroaren 15eko datuen arabera, 434 pertsona zeuden covid-19arekin Euskadin. Azken astean bakarrik, 19.684 pertsonak eman zuten positibo koronabirusean.
Asteazken honetan, Osakidetzak 24.832 proba diagnostiko egin zituen, eta proba guztien % 19,1ek eman zuen positibo, orain arte inoiz lortu ez den positibotasuna.
Pandemiaren bilakaera honekin, 100.000 biztanleko 14 eguneko intzidentzia-tasa metatua 1.500 kasura hurbiltzen da, 1.495,3ra iritsi baita, hau da, 151 kasu gehiago 24 ordutan soilik.
Lurraldez lurralde aztertuta, 14 eguneko intzidentzia metatua 1.824 kasukoa da Gipuzkoan, 1.478koa Araban eta 1.257 kasukoa Bizkaian.
Asistentzia-presioa altua da oraindik, baina nahiko egonkorra; izan ere, atzo 101 paziente kritiko zeuden ZIUetan, bezperan baino lau gehiago, baina aste honetako astearteko berberak, eta 285 pertsona daude gela arruntetan, hau da, asteazkenean baino zazpi gutxiago.
R0aren bilakaerak ere okerrera egin du, eta 1,43koa da Euskadin. Datu horren gainetik dago Bizkaia (1,53) eta azpitik Araba (1,25) eta Gipuzkoa (1,17).
20-29 urteko adin-taldeak 14 eguneko intzidentzia metatu altuena du, 2.366 kasu 100.000 biztanleko; positibo berri gehien, berriz, 40-49 urtekoen taldeak izan ditu, 970 kasu azken orduetan.
Osasun Sailak jakinarazi du, halaber, gaur egun 12 urtetik gorako EAEko biztanleen % 92,5ek covid-19aren aurkako txertoaren dosi bat jaso dutela gutxienez, eta % 91,4k immunizazio osoa dutela.
Joan den astean txertaketa-kanpainan sartu ziren 5 eta 11 urte bitarteko haurrei dagokienez, lehen ziztada jaso dute jada 28.769 haurrek, hau da, adin-tarte horretako haur guztien % 19,8k.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.