Covid-19an positibo eman dut: nola bideratu laneko baja?
Covid-19a dut, eta orain zer? Nola bideratu nire laneko baja? Pertsona askok ez dute oso argi puntu horretara iritsita zein den koronabirusean positibo emanez gero jarraitu beharreko protokoloa.
Abenduaren 28an, Gotzone Sagardui sailburuak azaldu zuen Osasun Sailak formulario bat prestatu duela covid-19an positibo eman dutenek baja telematikoki eta urrats gutxitan eskatu ahal izateko, aurrez aurre egin gabe.
Baja izapidetu ahal izateko, Osakidetzak ziurtatutako proba diagnostiko bat lortu behar da (PCR edo antigenoen testa), eta, ondoren, baja euskadi.eus webgunearen formularioan bideratu ahal izango da.
Datuak babesteko klausula bat onartu ondoren, lanerako aldi baterako ezintasuna eskatzeko formulariora iritsiko gara.
Nola izapidetu laneko baja urratsez urrats
Dokumentu horretan datu pertsonal nagusiak eskatzen dira (izena, abizenak, adina, identifikazio-dokumentua, helbidea eta harremanetarako telefonoa), baita covid-19aren sintomak zein egunetan hasi ziren, eta sintomarik izan ezean, proba diagnostikoan positibo noiz eman zen. Lan egindako azken eguna eta lan egiten den enpresaren izena ere idatzi behar dira.
Inprimaki hori bete ondoren, laneko baja izapidetzeko dokumentua bidaltzen da. Ondoren, interesdunak SMS bat jasoko du baja behar bezala izapidetu dela eta zure enpresak Osakidetzako bajen fitxategitik baja deskargatu ahal izango duela jakinarazteko.
Covid-19ak lan-munduan duen eragina gero eta nabariagoa da. EiTB Mediak jakin ahal izan duenez, Mutualiak covid bidezko 4.200 baja izapidetu zituen urrian, 12.800 azaroan eta 31.900 abenduan.
Albiste gehiago gizartea
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.