Covid protokolo berria Euskadin: Zer egin sintomak baditut edo positibo baten kontaktu estua banaiz?
Sintomak ditut. Zer egin behar dut?
Sintoma ohikoenak honako hauek dira: sukarra, eztula, eztarriko mina, aire faltaren sentsazioa edo usaimena galtzea, besteak beste.
Sintoma hauetakoren bat nabaritzen baduzu:
- (1) ISOLAMENDUA: gera zaitez etxean.
- (2) Sartu datuak honako GALDETEGIAN* (egunean zehar eskuragarri egongo da) SMS bidez hitzordua jasotzeko edota OSASUN-ZENTRORA deitu.
- (3) Sintomekin hasi aurretik egon zaren pertsonen ZERRENDA bat prestatu.
Osakidetza zurekin harremanetan jarriko da.
Txertoa jarri badidate ere egin behar dut? BAI.
Positibo eman dut PCRan. Zer egin behar dut?
SMS bat jasoko duzu emaitzarekin eta egin behar duzunaren argibideekin
-(1). ISOLAMENDUA: isolamenduan egon beharko duzu sintomak hasten direnetik edo proba egin zizutenetik gutxienez 10 egunez.
-(2). SINTOMEN JARRAIPENA: gehienetan gaixotasunak sintoma arinak izaten ditu (sukarra, eztula, eztarriko edo buruko mina, nekea edo usaimena edo gustua galtzea). Sintomek okerrera egiten badute edo arnasa hartzeko zailtasunak badituzu, orduan bai, jarri harremanetan zure osasun-zentroarekin.
-(3). KONTAKTUAK: identifikatu zure kontaktuak transmisioa geldiarazteko eta beren proben tramitazioa arintzeko (txertatuta egon zein ez), eska iezaiezu hurrengo inprimakian* (egunean zehar eskuragarri egongo da) alta emateko.
(*) Emaitza "zehatza" ez bada, proba errepikatu beharko duzu. Bitartean, isolamenduan geratu behar zara. SMS bidez beste hitzordu bat jasoko duzu emaitza baieztatzeko
Positibo eman dut farmaziako test autodiagnostikoan. Zer egin behar dut?
Etxean egin baduzu:
- (1) ISOLAMENDUA: gera zaitez etxean
- (2) Jakinarazi ZURE POSITIBOA Osakidetzan PCR bidez baieztatzeko: Web formularioaren bidez
- (3) Sintomekin hasi aurretik egon zaren pertsonen ZERRENDA bat prestatu.
Osakidetza zurekin harremanetan jarriko da.
Txertoa jarri badidate ere egin behar dut? BAI.
Infografia deskargatu (PDF, 316 KB)
Farmazian egin baduzu:
- (1) Farmaziak ZURE POSITIBOA JAKINARAZIKO DU Osakidetzan PCR bidez baieztatzeko
- (2) ISOLAMENDUA: gera zaitez etxean
- (3) Sintomekin hasi aurretik egon zaren pertsonen ZERRENDA bat prestatu.
Osakidetza zurekin harremanetan jarriko da.
Txertoa jarri badidate ere egin behar dut? BAI.
Infografia deskargatu (PDF, 316 KB)
Kontaktu estua naiz. Zer egin behar dut?
Kontaktu estua kasu positibo baten leku berean, 2 metro baino gutxiagora eta 24 ordutan, guztira, 15 minutuz baino gehiagoz maskara etengabe eta behar bezala erabili gabe egon den edozein pertsona da.
-Ez dago zertan itxaron Zaintza eta Miaketa Sareak deitu arte. Honako inprimaki hau betetzen baduzu, proba diagnostikoa egiteko hitzordua jaso ahalko duzu.
- Txertaketa-jarraibide osoa baduzu edo COVID bidezko infekzio aktiboa izan baduzu azken 90-180 egunetan, proba diagnostiko bat egin beharko duzu (bete formularioa ). Emaitza negatiboa bada, ez duzu koarentenarik egin beharko, baina prebentzio-neurriak zorroztu beharko dituzu, eta COVID-19arekin bateragarriak diren sintomak ager daitezkeen zaindu.
- Txertoa osorik hartu ez baduzu, koarentena eta proba diagnostiko bat egin beharko dituzu lehenbailehen (bete formularioa). Emaitza negatiboa bada, beste proba bat egin beharko duzu, eta hitzordua SMS bidez jasoko duzu, lehenengotik 8 egun igaro ondoren.
Zure interesekoa izan daiteke
Elkarretaratzea egin du Itaiak Iruñean, hirugarren solairutik erori zen emakumearen heriotza salatzeko
Mugimendu feministak hilketa matxista kasutzat hartzen du emakumearen heriotza. Izan ere, gizon bat atxilotu dute, urruntze-agindua urratzea egotzita. Itaiak erantzun irmoa eskatu du emakumeen aurkako indarkeriaren aurrean.
Trebiñun euskararen irakaskuntza eta erabilera sustatzeko berme eta neurriak eskatu dituzte herritarrek
Argantzonen egindako agerraldian, gogoratu dute Espainiako Gobernuak sinatua eta berretsia duela Eskualdeetako eta Eremu Urriko Hizkuntzen Europako Gutuna, eta, beraz, horrekiko hartutako konpromisoak Gaztela eta Leongo administrazioek ere bete behar lituzketela. Espainiako Gobernuari eta eratze bidean dagoen Gaztela eta Leongo Gobernuari igorriko dizkiete gaur egindako eskariak.
Booking.com plataformak hainbat bezeroren datuak agerira atera ditu, zibereraso bat jasan ostean
Konpainiak mezu bat bidali die bere erabiltzaileei, ohartarazteko "baimenik ez zuten hirugarren pertsonek" erreserbei lotutako informazioa eskuratzeko aukera izan dutela; izen-abizenak, helbideak, telefono zenbakiak eta bezeroek ostatuei emandako beste zenbait datu. Hala ere, enpresak ziurtatu du zibererasoak ez duela bankuko datuetan eraginik izan.
Adinekoen Euskal Estrategiak lehen aldiz landuko du sexu aniztasuna
Adinekoen ongizate integrala sustatzeko, 16 proiektu biltzen ditu Jaurlaritzaren estrategia berriak. Horien artean, berritasunetako bat da Sexu Aniztasunaren eta Generoaren Estrategia, pertsona guztiek, adina edozein dela ere, beren sexualitateari dagokionez aske bizi daitezen.
Ertzaintza Donostiako Alde Zaharrean izandako sexu-eraso bat ikertzen ari da
Martxoaren 31n gertatutako beste eraso baten ondoren jakin da honen berri; kasu hartako ustezko egilea espetxean dago jada.
Ander Aldazabal, Lekeitioko alkatea: "Justiziak arrazoi eman digu, eta alde horretatik oso pozik gaude"
Halere, Lekeitioko alkateak onartu egin du pena handiz hartu duela Udalak inguruko herrietako bizilagunei EAEko Auzitegi Nagusiak ezarritako muga. "Horri irtenbidea emateko ditugun aukerak aztertzen gabiltza, baina orain legea bete behar dugu, eta, aurten, behinik behin, ezingo dute egoiliarren txartela eskuratu", erantsi du.
Hainbat lagun atera dituzte Iruñeko Aranzadiko komentu zaharretik, birgaitze lanak hasi behar dituzte eta
Udalak aldi baterako bizitoki aukerak eskaini dizkie agustindarren komentu zaharrean lo egiten zuten (75 ziren) lagun gehienei. Bertan, sendatze neurologikorako osasun-zentro bat egongo da.
Auzitegi Nagusiak onartu egin du Lekeitioko aparkaleku sistema, baina herrigunea egoiliarrentzat utzita
Udalak ezarritako aparkaleku sistema egokitzat jo du, beraz, EAEko Auzitegi Nagusiak, nahiz eta ebatzi duen puntu batean orain arteko araua "diskriminatzailea" zela, Munitibarko, Aulestiko, Gizaburuagako, Amorotoko, Mendexako, Ispasterko eta Eako bizilagunek bazutelako herrigunean aparkatzeko aukera; gainerako ez-egoilarrek ez bezala.
Butroeko gazteluaren zaharberritzea azken fasean sartu da, eta uda baino lehen amaituko dituzte lanak
2024an hasitako lanek egitura-arazo nagusiak konpondu dituzte, eta gaur egun barruko akaberekin dabiltza lanean.
Osakidetzak telerrehabilitazio zerbitzua jarriko du martxan, aurrez aurreko eta online saioak uztartzen dituen eredu hibridoa
Sorbaldako, lunbarreko eta lepoko patologia duten gaixoak izango dira telerrehabilitzazioa jasotzen lehendabizikoak. Araban hasiko da oraingoz, baina asmoa da lurralde guztietara zabaltzea.