EAEko intzidentzia 6.000 kasutik gertu dago, baina R0ak beheranzko bidea hartu du
Azken 14 egunetako intzidentzia metatuak goraka jarraitzen du Euskal Autonomia Erkidegoan (EAE). Hiru eguneko epean, 1.000 puntu baino gehiago hazi da —astelehenean 4.469 kasutan zegoen— eta 5.000ko langa gainditu du. Zehatz esanda, 5.761 kasukoa da 100.000 biztanleko. Eusko Jaurlaritzako Osasun Sailak buletin epidemiologikoa kaleratu du eguerdian, pandemiaren adierazle nagusien bilakaeraren berri emanda.
Azken buletinarekin alderatuta, ZIUen egoerak hobera egin du: 122 dira, astelehenean baino 10 gutxiago (baina duela astebete baino zazpi gehiago). Nolanahi ere, gora egin du ospitaleratutakoen kopuruak, 631 pertsona baitaude gela arruntetan (astelehenean baino 71 gehiago).
Are, Osakidetzako erietxeek lau egun daramatzate segidan eguneko 100 pertsona baino gehiago hartzen. Asteko goia asteartean harrapatu zuten, 132 ospitaleratze berrirekin.
Azken astean (abenduaren 30etik urtarrilaren 5era doana) 80.955 positibo berri zenbatu ditu Osakidetzak, egunero, batez beste, 30.000 bat proba diagnostiko eginda —urtarrilaren 1ean, jaieguna izaki, egin ziren proba gutxien, 23.600 pasatxo—. Positibotasun tasa % 38an kokatu da asteazken honetan.
Izurriaren eragina 6.000 kasutik gertu dagoen honetan, pilatutako tasak hiru lurraldeetan egin du gora. Gipuzkoak jarraitzen du denen buru, 100.000 biztanleko 6.287 kasurekin. Tarte batera ageri dira (5761 kasu) eta Bizkaia (5600 puntu).
Adinari erreparatuta, gazteria gogor kolpatzen ari da covid-19a. 20-29 urtekoek dute intzidentzia tasa handiena, 10.000 kasutik gorakoa da 100.000 biztanleko. Adingabeen artean, 17 eta 18 urtekoen artean 9.518koa da intzidentzia. Ifrentzuan, 70-79 urtekoek eta 80-89 urtekoek dituzte tasa txikienak, 1.900 ingurukoak.
Bada beste albiste onik. R0 indizeak, positibo batek kutsatzen duen jende kopurua adierazten duenak, beherantz egiten jarraitzen du, eta 1,30ean kokatu da asteazkenean. Duela astebete 1,63koa zen. Lurralde guztietan jaitsi da, gainera: Araban 1,38koa da; Bizkaian, 1,35ekoa eta Gipuzkoan, 1,20koa. Aipatzekoa da, dena den, 1etik gora dagoela oraindik ere (epidemiologoek zenbaki horren azpitik egotea gomendatzen dute).
Albiste gehiago gizartea
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.