Zaintza sistema jagoleaz eta txertoaren hirugarren dosia "zabaltzeaz" jardungo dute Gobernuak eta erkidegoek
Carolina Darias ministro espainiarrak eta autonomia erkidegoetako ordezkariek bilera dute asteazken honetan pandemiari aurre egiteko neurriei buruz eztabaidatzeko. Gaurko hitzorduan erabakiko dute, besteak beste, koronabirusari aurre egiteko orduan, gripearekin erabiltzen duten gisako protokolo batez baliatuko diren ala ez. Gainera, argitu gabe dute oraindik zein izango den antigeno probei ezarriko dioten gehienezko prezioa.
Bilera bukatutakoan, agerraldia egingo du Osasun ministroak. Esan bezala, bi gai nagusi jorratuko dituzte arratsaldeko hitzorduan. Alde batetik, egoera epidemiologikoari buruzko erabakiak hartuko dituzte. Bestetik, txertaketa izango dute eztabaidagai.
Halaber, antigeno proben prezioa argitu beharko dute biharko, eta, Portugalen zein Europako beste herrialde batzuetan gertatzen den bezala, test horiek supermerkatuetan salduko dituzten ala ez ere deliberatu beharko dute.
Esan bezala, covid-19ari egiten zaion jarraipenaren inguruan proposamen berri bat lantzen dabil Espainiako Gobernua. Trantsizio progresibo baten alde dago; zaintza sistema emergente batetik zaintza sistema zentinela batera nola igaro aztertuko dute.
Bien bitartean, erkidego bakoitzaren egoerari buruzko informazioa biltzen dabil Osasun Ministerioa, sistema berri baten garapenerako dituzten baliabideak aztertze aldera.
Aitzitik, Munduko Osasun Erakundeak asteartean esan zuen goiz dela oraindik covid-19-a gaixotasun endemiko gisa artatzeko, asko direlako koronabirusarekin lotutako zalantzak eta omikronen kutsakortasuna izugarria delako. Sei-zortzi asteren buruan Europako biztanleriaren erdia kutsa lezake aldaera horrek, MOEren arabera.
Txertaketari dagokionez, Osasun Publikoaren Batzordeak ostegun honetan aztertuko du txertoaren dosia talde gehiagotara zabalduko duen ala ez. Horrekin batera, aztergai izango dute lehen dosiaren eta bigarren dosiaren arteko tartea txikitzea, alegia, sei hilabeteko itxaronaldia laburtzea.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.